إقتباس:
المشاركة الأصلية بواسطة دايم العلو
ليــاك تشكـــي للمخاليــق بـلـــواك *** شكـوى لغير الله عيب ومذله
أحدن بيفرح لا سمـع منك شكـواك *** حتى قريبك صرت حكوة له
أشتك لمن هــــو دايم الـدوم ويـــاك *** رب كريم وخالق الكون كلّه
وإلا صـــديــقــاً خابــــره داك ودواك *** يستر عليك إليا حـصل منّك زلــة
لياك تـســمــع هـرجـة منـة مـنّاك *** نمام خاين والحـكي عادة له
وقت الرخاء تلقاه وإذا احـتجـت خلاك *** ما قدرك يوماَ تجي فازعاً له
ترى الردي وإن طاب في يوم ينساك *** غلطان من حط الردي ساعـداً له
هذي (نصيحة) واحداً جاه ما جاك *** جَرب وشاف الضيم من عزوة له
لأنها أعجبتني نقلتها لكم ، واعذروني لأنها نبطية
|
وش يجي من الطيّب غير الطيب
وهذه أبيات للشاعر :عبدالعزيز السناني.. على نفس القافية والنفس
لا تشتكي من جور الايام للناس*** وادفن همومك في ثرى الصمت كله
اسرار عمرك خلها تحت الانفاس*** لا صار هرّاج القفا فاطنن له
هذاك يفرح لا لمس جرح الاحساس*** و هذا مناه لا لقى فيك عله
جو الربيع بعجة الصيف ينحاس***لاجت هروج(ن) ما تجي في محله
داعب هموم الليل لا هب نسناس*** وعطها الخبر من قلب خل(ن) لخلّه
قلّه حبيبك ما وطى قلبه الياس***حتى عذابك بالهوا جايز(ن) له
تعيش بالوجدان ما عاش هالراس*** لولاك قلي وش انا عايش(ن) له
إن زانت الايام يا شوق لاباس*** ولاّ صبرنا لين ربك يحلّه
بارك الله فيك يابوتركي