عرض مشاركة مفردة
  #80  
قديم 26-11-2005, 03:21 PM
غــيــث غــيــث غير متصل
من كبار الكتّاب
 
تاريخ التّسجيل: May 2003
الإقامة: الخيمة العربية
المشاركات: 5,289
Arrow غـيـبـوبـتي طـالـت


غيبوبتي طالت وحلم العمر طاف

وهـمّ التعاسة في مكاني رماني



أضحك وأجامل والحشا يرعف رعاف

مـتبعثرٍ مابين قـاصـي ودانـي



ماتت جماهير الأمل قبل تنشاف

ومستقبلي من قبل أزوره جفاني



وليلي طويلٍ ماله حدود وأطراف

والصبـح ما بيني وبينه موانـي



والموج يهزا بي وانا بدون مجداف

متغربـلٍ واليـاس حـلّ وطوانـي



مانيب شاعر ينظم الحرف والقاف

أنا قصيـدة و أبدعتها الأمانـي



على مساحاتي صدى الحزن عزّاف

وعلى جراحي تستريـح الأغانـي



شيٍ بجوفي ما درى فيه شفاف

ولا كل من يقرا الملامح قراني



وين السعادة ودربها كله إجحاف

لا راح هـمّ ... جدّ هـمّ ودعانـي



كنّي مطية للشقـا بين الأجـلاف

لا روح تفـهمني ولا قلـب حانـي



أسيـر الشـوق



©
__________________
الرد مع إقتباس