[على رسلك]

يا سحايب سراة أبها تعـديّ شمـال
واستعيري دموعي سيّلـي كـل واد

غطي أرض الحبيّب بالندى والجمال
مثل ماهـو منـدّي بالمحبـة فـؤاد

وارعدي يا سحابه فوق هاك التـلال
صوري له حنيني عقب طول البعـاد

ولعي يا سحابه بالسمـا كـل جـال
مثل ما أشعل فواد فيه كدح الزنـاد

مير أشوف التسلي عن هواها استحال
وقفي يا سحابة حمـل الأشـواق زاد

دوك قلبي وعيني دوك بعض الخيال
دوك كلي تبعتك ما بقى لـي قعـاد