أحدث تقنيات الترقيم والمغازلات تبغى تتعلم ؟؟؟ ادخل ترى تسلية

[أميــــــر الحب]

[SIZE=4]اعزائي الشباب وصلتني رسائل كثيره تسئل عن كيفية المغازل والترقيم في الاماكن العامه يعني الاسواق ,ومن اجل هذا فهذه الصفحة مخصصة للترقيم في الاسواق ...والتدييت والاجابه على اسئلة الاصدقاء.

الـتـرقـيـم
اولا :عزيزي التمساح المحترم ..لا تصدق مقولة البنات يحبون الولد الثقيل اللي يعبرهم ..البنات أي شي يقبلون به ..صدقوني اذا لحقتها انبسطت الخبله اذا جحدتها انبسطت وقالت عنك ثقيل ,,صدق ناقصات عقل ...الشي الثاني اللي يشتكي منه الشباب ان البنات ماياخذون الارقام باعتبار انهم عيال خونة يعني اللي بيرقمها بيرقم غيرها....طيب يعني وش يبون طالت اعمارهن ..ورقة من الهيئة ان هذي اول مرة ارقم في هذا السوق .

س: كيف ياعزيزي الشاب كيف تقبل على البنت ..من اول مره وتتجه صوبها ؟؟

ج: في السابق كان الشاب يشخص ويرسم ..ويطق هالبسمة ويطلع الجوال ويمسكه بيده ويقترب من البنت ويلحقها لين هي تهدي السرعه وتصرف امها ولا اللي معها .

الطريقة الجديده:ميل شماغك وعقالك وتلطم ..ايه تلطم لان البنات يحبون الانسان الغامض ..ولاتطلع جوالك على يدك ..طلع سلسلة حديد يعني انك شديد وغيور .(البنات يحبون الرجل الغيور) ..ويستحسن انك تكون لابس زبيريه ..(معناها انك رجل عملي مو فاضي تضيع وقتك.) هذا كله مو مهم ,,المهم مرة هو الرقم ..بعض الشباب الله يصلحهم كرته مو كرت الا عينة عطر الوان وريحة وخط يهبل ...مادري ليه والله ,,و الله انهن يتمنعن وهن راغبات ...لاتجيبون كرت فخم ولا تكلفون انفسكم للي يدخنون ..قطعه من باكيت السجاير وللي مايدخنون ..أي ورقة انشالله من عند بيّاع الذره ولمزيد من التشويق ياليت ترشون الورقة بفليت ( بعدين اعلمكم ليه الفليت ) ..المهم رح يمها على طول انشالله لو هي وسط اهلها وقل لها هالورقة طاحت منك وعطها بيدها وامش ...طبعا الواحد بيقول لي انه يمكن ينطق ولا يتفشل انا اقول لكم طبعا لا لانها بتخاف من الفضيحه يعني يمكن تكون هالورقه فعلا طاحت منها اساسا ولا يعتقدون اللي معها انها هي اللي لمحت له علشان يرقمها ..علشان كذا هي من نفسها بتاخذ الورقة وتقول لك شكرا ..خلك ثقل ولا ترد عليها عفوا ..امش واجحدها ...اما عن فائدة الفليت ..فمهما كانت البنت ثقل ولاهي راعية مغازل مجرد ماراح تشم الفليت بتعطس وتكح وتحقد على الولد ..ولازم تدق عليه وتقول له الله يقرفك وش راش على الكرت ... ساعتها خير وسيلة للدفاع هي الهجوم ..قل لها واحد غاصبك تاخذينه ( حطموا البنت لان البنت اذا كسرت عينها من اول دقيقة ملكتها ولا هي بتركب فوق راسك هذي سنة الحياة)

س:كيف تضمن ياعزيزي الشاب ... ان البنت اذا خذت رقمك انها بتدق عليك مو ترمي رقمك لانها خذت الرقم علشان تفتك منك وتتخلص من ملاحقتك لها..؟؟

ج: في السابق الشاب يسوي نفسه مخلص وعلى نياته ويوريها انه بيطلع من السوق كله ..ولا يروح يتشري شي من محل ..يعني ماجيت السوق اغازل بس جيت اتسوق...

الطريقة الجديده:.تميز هالبنت زين اما باخوها ولا باختها ولا ببودي امها ..وبعد ربع ساعه ترجع لها وتمد لها ورقة ثانيه ..يعني مادقيتي الى الان .لاتقولين لي ان جوالك فاضيه بطاريته .....اذا شفتها انها ماعبرتك ...ارجع لها بعد شوي وانت معك واحد من السيكورتي انت ماسكه بيدك ...ساعتها هي بتختبص لانها بتقول في نفسها وش يبي ذا المستلج ..وبتدق عليك تبي تعرف ليه انت ماسك السيكورتي وناصيها..لاتقول لها الا هالكلمتين ( مو شغلك ..على فكره ترى رقمك طالع عندي..اذا حبت بتقهرك بتقول لك موب جوالي ..اديها على وشها ..قل لها موب لازم يكون جوالك اهم شي انه جوال بنت .....) ساعتها بتضمن انها صارت في موقف بايخ ..ووقتها لازم هي ترضخ للامر الواقع.

س:يتسائل كثير من الشباب اذا حس بان البنت ممكن تفضحه وتبيعها وتخربها وتنادي الهيئة ولا السيكورتي وش المفروض انه يسوي وقتها؟

ج:في السابق الشاب يعتذر وينحاش ويترك السوق كله لها ...ويمكن من الروعه مايتعشى ذيك الليله.

الطريقة الحديثة: خلك اوقح منها اذا بتنادي هي الهيئة انت بعد صارخ قل ويين الهيئة وين الهيئة ..علشان اذا جت الهيئة قل لهم اشهدوا ياشيوخ طال عمركم ترى البنت هي اللي نادتني تبيني ادلها على محل ولا انا ماكنت ملاحقها ولا معبرها ..واذا ورتهم رقمك ..هنا بعها بتبن قل لهم ياشيخ معقوله انا اسوي كذا لو اني مسويها كان انحشت وعطيت قبل ماتجون .. الله يعلم ياشيخ انها نصابه ..(على فكره وقت ماتنادي الهيئة طلع الشريحه من جوالك ولا تقفله )

س:كثير من الشباب تحصل عنده مشكله في معرفة اذا البنت فعلا راعية مغازل ولالا واذا هي معجبه به ولالا ؟وايش يسوي اذا البنت جرته لمنطقه فاضيه في السوق؟؟

ج:الطريقة القديمة:الولد يلحق البنت نص ساعه لين هي تبدى تعطيه اشارات ...؟؟ويلحقها في الاماكن اللي تمشيها علشان هو يحسبها بتقول له كلمتين .

الطريقه الحديثة: ياعزيزي البنات شبكة معلومات متصله يعني حتى البنت اللي ماتغازل بتروح تقول لصديقاتها واخزياه ولد لاحقني وقام يرقمني وعطاني رقمه كذا وكذا .....يعني لو هي اساسا مو راعية مغازل بتوصل رقمك لبنات يغازلن ...ثانيا نصيحه اخوية وشخصيه لاعمرك تلحق بنت توديك لمنطقة معزوله في السوق ولا فاضيه ..لا تتوقع شي حلو من البنت جربوها قبلك ناس كبار وخطيرين بس كانت العواقب سيئة اللي جاه الكعب على خشمه واللي جته تفله على وجهه ومسحها بس بقى جزء بسيط من السعبوله متعلق فوق الحواجب فتفشل قدام خلق الله في السوق .فرجاءا لا تلحق البنت الى منطقه معزوله في السوق ( على فكره قصة الولد اللي نشرت في الجرايد انه طاح من السلم الكهربائي في الفيصليه احد ضحايا هالحركه لحق البنت لين دخلت به لمخرج وطلعت البنت متعلمه كاراتيه ومعها حزام اسود من مانغو وطاحت ترفس في الولد ).المهم لاتسوون كذا ليين ننصحكم بانكم تسوونها.[/size]

مع تحيات أمير الحب

[الوافـــــي]

يقول الحق تبارك وتعالى :

{إِذَا زُلْزِلَتِ الْأَرْضُ زِلْزَالَهَا(1) وَأَخْرَجَتِ الْأَرْضُ أَثْقَالَهَا(2) وَقَالَ الْإِنسَانُ مَا لَهَا (3) يَوْمَئِذٍ تُحَدِّثُ أَخْبَارَهَا (4) بِأَنَّ رَبَّكَ أَوْحَى لَهَا(5)يَوْمَئِذٍ يَصْدُرُ النَّاسُ أَشْتَاتًا لِّيُرَوْا أَعْمَالَهُمْ(6)فَمَن يَعْمَلْ مِثْقَالَ ذَرَّةٍ خَيْرًا يَرَهُ (7) وَمَن يَعْمَلْ مِثْقَالَ ذَرَّةٍ شَرًّا يَرَهُ(8)

سورة الزلزلة

[أميــــــر الحب]

أشكرك أخوي على هذي الآية الطيبه العطره من كتاب الله عز وجل
أشكرك من أعماق قلبي
تحياتي
أمير الحب