الغربة - يعقوب احمد يعقوب

[yacoub0]

الغربة

لا تسافر عَ الغربة
الغربة.. صارت هون
والوطن صار كذبه
والكذب.. للرُكبه..
لا طعم ولا لون

وبكل حاره.. وحاره
وكل بيت.. وعماره
بتلاقي وجه الغربة
قاعد.. بستناك..
على شكل بوليس
او صورة رئيس
او لعنة إبليس
حقيقة ومش كذبه
بالصورة واللون
لا تسافر عً الغربة
الغربة صارت هون

كل شيء حواليك
حقيقة بيكرهك
الشارع.. والسكان
والحارة والجدران
والأرض والإنسان
حقيقة ومش كذبه..
لا تسافر عً الغربة
الغربة صارت هون..


[أوراق الخريف]

اخي يعقوب
صح لسانك والله
نعم ممكن الانسان يشعر بغربة وهو بوطنه وهو بوسط اهله
لا تقلي ليش ولا تفسرلي كيف
اسال مجرب وهي انا
اخي يعقوب زكرتني خاطرتك بمنهج اتخزته انا اعوز بالله من كلمة انا
الغربة بتقتل صح ولكن للغربة نوعين
لمن الغربة بتكون بتعانيها بهجرتك لوطنك هي غربة عادية
ولكن لمن بتعاني من الغربة وانت داخل وطنك هي الغربة اللي بتفجر وبتقهر وبتخليك تتمنى يا ريتك ما عشت ولا كنت

شكرا اخي على ما رميت له وعلى ما عنيت انا بردي عليك
عم نتابعك اخي استمر وفش قلبك