أخي / اللولب الثاقب
القصيدة رائعة جدا في معانيها بالرغم من الخلل في بعض أبياتها
وقد سمحت لنفسي أن أعيد تنسيقها
وما ذاك إلا لإعجابي بما جاء فيها ، وخصوصا الأبيات الأربعة الأخيرة
تحياتي
قلت اه من صبر صبرته على الكود = ومن ونة للقلب جاحت وقدت
ونة عتب ونة غضب مالها حدود = ياليتها عن مغلق الصدر صدت
لوهى بحيد ذوبت كل جلمود = على الضماير بالهضايم تحدت
قامت تعرض لى بالايام والسود = ان قلت قفت عودة لى وردت
ان قلت هانت بالحشاجابت الزود = وجاحت خفايا ضامرى واستجدت
وزادت جروح القلب بجروح ولهود = ودنياى مالت عن سنعها ولدت
والعين كن بنونها ملح بارود = على السهر كل الليالي تحدت
تسهر وبعض الناس هجاع ورقود = وهي تبى فرقا مــا فيه لدت
العدل من شدومع الناس مفقود = وبفعالهم عمسين الاريا تقدت
منزالهم خال تصافق به النود = من يوم عنه اسلاف الاجواد شدت
اقفوا عن الدنيا هل الخيل والقود = اللى فضايلهم على الناس بدت
هل الفعول ولبسهم صنع داوود= وهل المهاراللى على الضد كدت
عصمان الاريا مشرعة كل مجرود = ليت الليالى السودعنهم تعدت
الناس بالايام طارد ومطرود= ياليتهاباهل المروة تحدت
وطير الفلاح اللى عن الصيد مردود = عقبه تبوع علمت والستهدت
اشوف ناس عندهم الحقـد ماجود = ونفوسهم عن كل عليا تردت
العدل في ساحاتهم صار مفقود = وعن الفضيلة جنبت واستردت
مايرفعون النفس عن كل منقود = ان ما تعشت عرضها له تغدت
تعطى من العليامحاريف وصدود = ووجيههم ماقيل بالجود ندت
<******>doPoem(0)******>