آه يا يمه

[انسانة]

سمعت هذه القصيدة وأحببت أن أعرضها عليكم ....
لا تسألوني عن الشاعر حتى لا أنحرج ..
أقرأوا القصيدة وفكروا ... هل أنتم في وضع مشابه مع أحد ما ... وهل تريدون نفس النتيجة ......


يا يمه منتهي جيتك وطالب منك الغفران
أقبل قاعة أقدامك واغسلها بدمعاتي
يا يمه كل ما فيني .. ينادي لك أنا ندمان
طلبتك قولي سامحتك ... وردي لوجهي بسماتي
أنا أدري قلبك الطيب كسرته بصدمة النكران
غلطت غلطتي هاذي تعير كل غلطاتي
تشوفي الشيب يا يمه ترى ما جا وأنا فرحان
وربي اللي رفع ذاتك ونزل للردى ذاتي
فقدت الراحة من بعدك .. فقدت الطيبة والتحنان
بدونك راحتي غاية .. بدونك هاذي راحاتي
أنا بعدك ولا حاجة ... أنا بعدك ترا عميان ...
أشوف ولا |أشوف اللي يوريني مساراتي
أنا وسيد الشقا والهم من بعدك غدينا إخوان
يجيب هموم هالعالم ويرميها في متاهاتي
صدقتي يوم قلتيلي.. تدينه يوم بس تندان
رميتك في بداياتي ورموني في نهاياتي
أنا من شالك بايده ورماك في أسفل البركان
نخيتيني وطلبتيني ولا حصلّتي نخواتي
مثل ما هنت بعيوني عليهم قلبي يمه هان
رموني وطعتهم فزعة وانا الدمعات فزعاتي
يا يمه لا تظنيني أنا من فعلهم زعلان
سوات فيك سويته وسووا فيني سواتي
يا يمه .. يالله قومي ... ودفيني بها الأحضان
أنا أدري فيك مشتاقة وهمك بس ملاقاتي
يا يمه حيل ضميني ..أبي أرتاح أنا تعبان
تعبت اهرب من ذنوبي أبي أسافرمسافاتي
أبي أسمع منك أي كلمة لصوتك مسمعي ولهان
أبي أسمع منك يمه وبصوتك أبي أذكر فيها نشواتي
أشوفك ساكتة يمه غفيتي وإلا أنا غلطان ...
غفيتي يا بعد عمري ... تعبت من مواساتي
يا يمه طالبك قومي ... إذا لي بعيونك شان
أشوف الموت بعيونك ..عساها تخيب هقواتي
تعالوا يا بشر شوفوا انا محتار أنا تلفان
انا امي مدري وش فيها ..انا مدري انا احاتي
شنهو امي انا ماتت ... لا ... لا ترا غلطان
انا امي ما تخليني على حزني ووناتي
أنا أمي قلبها طيب .. ولا يمكن تبكي انسان
أنا أمي ما تبكيني ولا تتمنى أهاتي
يا يمه صح ما متي ...وصح الموت تو ما حان
إذا متي... أنا بعدك أبقضي وين ساعاتي
يا يمه ... قومي ... وقولي الموت لا ما كان
أنا جيتك وانا ناوي أبذل فيك جناتي
تركتيني ومتي ليه ..تركتيني وأنا غرقان
ولا مسموح يا وليدي ولا أمسح عنك لعناتي
أنا الجاني أنا المجني أنا المخطي أنا الندمان
أنا بيديني رميتك أيه ... وبعثرته ملفاتي
وجيت من الهنا مفلس .. وجيت من الضنى خسران
تركتيني على ناري تعذب فيني زلاتي
ولاني مرضي ربي .. ولا ني تابع الشيطان
أنا بعدك ... ترا ما بين نهاياتي وبداياتي
يا يمه .. منتهي جيتك وكلي مرتجي غفران ..
وشفت الناس تلعني ..وتحذرني من الآتي


هل هذا هو جزاء الاحسان لمن أحبونا .. ؟؟؟؟؟؟؟؟؟

أرى ردودكم إن كان لكم رد على إحدى مآسي عصرنا بعد أسبوع