ذكرى الفراق ....... طلال الرشيد

[العنود النبطيه]

ذكرى الفراق


اليوم ذكرى الفراق ومرت أول سنـه اليوم لي عام متغرب وحيـد وحزيـن

اليوم انا ضيف جرحي جيت الطمنـه إني جمعت الدموع وجبت أمانة أميـن

مايجرح الصادق إلا غدر مـن يامنـه لا جت من أحباب قلبك لا تلوم السنين

الا وين انا وأنت مثل الشمس ولا زمنه مع كل صبح يجددني لشمسـك حنيـن

لا قلت أحبـك أحبـك كنهـا دندنـة او كنها وردة مابيـن أصابـع جنيـن

ياجمل الناس لك بيـن المـلا هيمنـه كثير غيرك ولا كن مين مثلك وويـن

ياعاذلي خـذ عيونـي يمكـن تثمنـه تشوف عيبه وانا أشوفه ملا ك حسيـن

أمس افترقنا وانا احسب مرة أول سنه ياطولها ليلة الفرقـى سنـه للحزيـن

[بيلسان]

الله.. الله يا عنودنا سلمت يداك للنقل الرائع.... ورحم الله الشاعر طلال الرشيد..ولقد ذكرتيني باخر قصيده كتبها وهي:

يالصغيـر مـا يكبّرنـي لـقـب
ومايصغرني اليا انكرني صغيـر

ما خذينا الصيت من جمع الذهب
ولا نسابة شيـخ أو قربـة أميـر

كاسبينه من هل السيـف الحـدب
الجنايز كـان مـا جـاك النذيـر

صيتهم نجم علـى راسـه لهـب
سمعوا الصقهان به واجهر ضرير

بالوفـا تاريـخ ابيـض ينحسـب
لا حكوا بالحق حييـن الضميـر

ضيغمـي ٍ للسناعيـس انتسـب
لابت طلنـا بهـا عـرش كبيـر

عند حدك يا كثيـر الهـرج تـب
ولا تمر النار وثوبك من حريـر

كان لـك عـز ٍ بذلـي فتعقـب
والله إلا تبطـي وحبلـك قصيـر

احسب انك من صناديـد العـرب
واثري ساترتك عباتك يا غريـر

ما حسب للسّوس زراع القصـب
والقرادة مـادرى عنهـا البعيـر

لو حسبنـا للحسايـف والتعـب
مابذرنـا ياالعصافيـر الشعـيـر

عن هلـك وبـراي لله احتسـب
الرجال اللـي مجاراهـم عسيـر

من قريش المصطفى وابو لهـب
والدغالب ما غشت عذب الغديـر

للرجال مـن الرجاجيـل العتـب
والزكاة اتحل في حـال الفقيـر

لعن ابو وقتٍ غدينا بـه حطـب
تحرقـه نـارٍ يثورهـا أجـيـر

ما ألومك الزمن سـوا العجـب
هو بقى غير الكرامـة بالجفيـر

مـا أذل والـراس يـشـم اللهب
لو بقى من شمر ٍ طفـل ٍ غريـر

ما أهاب ولا يزلزلنـي غضـب
الشجاعة ورث والعاقـل غزيـر

يـا صغيّـر مـا يكبـر باللقـب
غير منهو كـان للدونـة صغيـر