بنااااااااااات سكووووت اسمعوووني زين
بقولكم شي
كيف ترفعون ضغط الرجل من الاخ الاكبر لبقية افراد شباب العائلة ...
الاب يعني عيب نرفع ضغطه
يالله باسم الله بنبدا
اول نصيحة ...
اذا حد كلمك لا تردين عليه وسوي نفسك ما تسمعينه (يعني سويله طاااف)
اذا صار وصرخ عليك اضحكي في وجهه (اونه عادي عندك)
اذا طلب احدهم منك طلب حاولي انك تستفزينه لين ما تلوع كبده...
المهم
واذا صار وطلب احد اخوانك ان تعملي له سندويش او كوب شاي.. فأغلطي وحطي بدل السكر ملح وبدل الجبن مربى
اذا صار ورحتوا مكان كالسوق او احد مراكز التسوق معاً.. تباطئي وحاولي تختارين وتاخذين كل وقتك في الاختيار يعني بطي كبده ( مجربتهااااااا وحياتكم )
جاااااااااااااااء دوووووركم يااااااااااااااشبااااااااااااب
كيف تنزل ضغطك لما ترفعه أي بنت في العالم
لكل داء دواء ... ولكل فعل ردة فعل ...
انا ما راح اكلمكم يا بنات !!! سوري يعني ... بس بقول للشباب اللي هنا نصيحة مضادة لنصيحة الاولى .... يعني لما ترفع ضغطكم يا شباب اي ( بنت اصغر منكم ) في البيت او اي ( بنت أكبر منكم ) .. بإستخدام الطريقة اللي فووق .. فعليكم أن تسوون التالي :
1- اذا كلمتها ولا ردتك عليك وسوت نفسها ما تسمعك !!!! ...
- فلا تستعجل ... عد عليها الجملة مرة ثانية ببرودة اعصاب ... واذا طنشت ... اعد عليها الجملة مرة ثالثة ( الحلم زين ) بس هالمرة اردفها بكلمة ( وثول أو ووجعوه أو وصمخ ... الخيار لك يعني ) ... بس بصوت خافت بدون صراخ !!!
- اذا طنشت هالمرة ... اعد عليها الجملة بس بإضافة رصعة على راسها بس بشويش عشان ماتنهبل وتبلش بها ... وصدقني بتتأدب بعدها ... ( والرصعة هي الطق ببطن الكف على أعلى الرأس ... بالقرب من بداية الجديلة ) ...
2- اذا صرخت في وجهها وضحكت هي بدورها في وجهك كخخخخخخ ( خبلة هاذي رسمياً ) لتستفزك ولتحسسك انك ... اي كلام يعني وانك ما هميتها !!!
فالعلاج لهذه الحالة كالتالي :
- هددها وانت تتبسم لها وتتحمد ربك على العافية والنعمة !!! هددها أنها إذا سوتها مرة ثانية أنك رايح تلقطها لأقرب شيخ يقرأ عليها ,, وفي نهاية جملتك قلها ( اعقلي احسنلك ) وانت تتبسم لها لاحظ!!
- اذا سوتها مرة ثانية ( جرها ) بجديلتها ( هذا كان لها جديلة مع اني اشك في هذا ... بنات هالايام يالله تمسك شعرها من قصره ) ... المهم .. اذا سوتها مرة ثانية (جرها ) بجديلتها وركبها السيارة وسكر الازرار ... ولا تهمك تصيح ما تصيح !!!! وخذ دورة في الحارة ورجعها ثانية ... لا يروغ عقلها المسيكينة ... وقلها ترا بسامحك هالمرة ... ولا عاد تتعودينها ... ووالله ان تتوب صدقوني .
3-إذا طنت في بالك واشتهيت تاكل سندويتش جبن وكوب شاهي ... وجت وسوت ذهينة طول الله عمرها ... وسوت اللي مكتووب فووق !!! فأفعل التالي جزاءاً لها :
-اقضبها وصك عليها في غرفة مافيها اي نوع من انواع التسلية واترك الخبزة بالمربى والشاهي بالملح عندها ليما تاكله وتشربه كله وتدري ان الله حق ... واشرط عليها اذا كانت تبغى تطلع .. ان ما تشرب الشاهي وتأكل السندوتش الا قدام عيونك ... عشان تضحك عليها واضحك من كل قلبك عشان تقهرها .
4-اذا قدر الله عليك ورحت انت وياها للسوق وقردها الله وتقيدت هي بما ورد في النصائح من تباطئ واستلعان !!! ... فعليك عمل التالي :
- بكل بررررررود لا تقولها شئ !!! الا كلمة وحدة بكل رقة وحنان وابتسامة عريضة : بسرعة شوي لان عندي موعد أو أو أو ... !! وهذا طبعاً اذا حسيت انها مستلعنة .. اما اذا كان ما عندك شئ عاد ... فلا تصير سخيف وتعجلها المسيكينة ( ارحمها ) ... المهم ... اذا ما اسرعت ولهدتك ( أي ردتبك ) وبدت تتباطأ اكثر واكثر ... امسك اعصابك .. وتماسك ( ليما تركبون السيارة ... بعدين ودها للبيت عادي .. ولا تكلمها الا لما تبي بتروح مرة ثانية للسوق !!! قلها معصصصصصي اوديتس ... تذكرين كذا وكذا .. وابدا اسرد قصتك معها اللي صارت في آخر روحة لك انت وياها للسوق سوا ... واللعانة اللي سوتها معاك ... واحرمها من الروحة شهرين كاملين وحرص اخوانك وأكد عليهم ( وهددهم يعني ) أن اللي بيوديها منهم بتقطع العلاقة معاه شهر كامل ... وشف وش يصير فيها ( بنت وحرمتها من السوق كنك مضيع مستقبلها ) وصدقوني ... بتستعدل استعدال مو طبيعي بعدها .. لدرجة انها بتصير تاخذ رايك في الألوان والمقاسات ... حتى توريك القطاوة اللي تمر من عندكم وانتم تمشون ( تساحرك يعني ) من كثر خوفها منك انك تحرمها من السوق مرة ثانية ...
ملوكه