انتظروني يوم الجمعة القادم على قناة الخيمة المفتوحة..؟؟
أعزائي..أنا الان أكتب لكم من مقهى انترنت في الفضاء الخارجي (لا تقولون كذاب..ترا من جد عندهم مقاهي بعد..هههه).
طبعا انا مسافر هناك لمدة أسبوع..تصدقون ماكنت أبي أروح بس واحد من الشباب (متزوج) حلف وقال..علي الطلاق يادايم غير تروح معي هالمشوار (طبعا هو مقهور من زوجته ويدور على أي سبب علشان يطلقها..بس أنا ذكي كالعادة وما عطيته فرصة ينفذ حلفه..ووافقت على طول..كخخخخخخخ) بيني وبينكم هالمشوار مايستاهل التعب..بس ويش نسوي صار اللي صار.
.................................................. .........
ويش تفكرون فيييييييييييييه..؟؟
أكيد تقولون ليش دايم سرق عنوان جمال..صح ولا لا..؟؟(السرقة صارت موضة في النت..هههه)
كلامكم صحيح..بس أنا أتحدى جمال يثبت هالكلام..تدرون ليش؟؟
لانه (هنا في الفضاء ماعندهم لا فواصلي ولا حتحوت..يعني تسرق وانت مرتاح..كخخخخخخخ) بس عندهم واحد ملقوف مبهذلهم اسمه السيد كواكبي (نشبه..زي ليش كذا اللي عندكم..كخخخخ) بس بيني وبينكم ليش كذا أطيب منه بالحيل..على الأقل ليش كذا متفاهم وياخذ ويعطي..لكن هالكواكبي مدري وشلون..مسوي فيها أبو العريف وهو مايدري وين الله حاطه فيه..هههه..
على العموم..
أتمنى تكون امتحانات أبنائي وبناتي الطلبة (صار عمري ثلاثمية سنة..كخخخخ)اخر ابداع وخصوصا اليومين اللي فاتوا لأنها أهم شي..ولا لا..(بيني وبينكم انا تركت الخيمة هالاسبوع علشان ماأعطلهم بسوالفي اللي ماتنتهي)بس ياليتهم يذاكرون..كخخخخخخ..خصوصا اللي على بالي..
بالنسبة لمعاهدة الصداقة اللي سوتها الصديقة مشاعل..اعتبروني موقع عليها بالغصب لأني منكم ومعكم.
لا تنسوا تتابعون جديد DAYEM للانتاج الفني (والله من الخرطي..ههه):
-1تقرير من دايم مراسل شبكة CNN الاخبارية حول أزمة الخيمة الأخيرة(على فكرة أنا أكره الأخبار..ودايم أقول اللي يبي يعيش في هم وغم ماعليه الا يتابع هالاخبار..حكيم يادايم كخخخخخخ).
-2تكملة موقف دايم وخويه حول قصة كشف موضوع الغش في الامتحان (بناء على طلب الصديقة همسه).
-3يوم جديد في فندق الداخل مفقود والخارج مولود مع دايم.
-4 عودة للتنكيد على الشباب والمتزوجين في موضوع جمعية لا..للزواج (أبشركم القرارات صدرت خلاص..مفاجئة).
والكثير الكثير (والله لأبهذلكم بكثر السوالف..بس لين أرجع)..دايم يضمن لكم الجودة..ههههه.
يالله..مع السلامة أشوفكم على خير يوم الجمعة ان شاء الله (الهندي واقف على راسي في المقهى..الوقت انتهى..أدري ان ماعندهم هنود بس على قولة المنشق..كيفي..كخخخخخ)
على فكرة قبل ماأمشي..
تصدقون البارح شفت حلم مرعب..اللي يبي يعرفه يلحقني..بس لا ينسى يشغل خياله..بسرعه قبل الهندي يرجع..
-
-
-
-
-
-
-
-
-
-
-
-
-
-
-
-
-
-
-
انا الان في قفص الاتهام في محكمة الخرابيط اللي في حارتنا..
على يميني قاضي المحكمة فواصلي وحضرات المستشارين (حتحوت..رفيع الشان)..
وقدامي المدعي العام السيد ليش كذا (ياهو معصب..هههه)..
اما على يساري تلقون المحامي اللي أنا وكلته اسمه المنشق (كرشه قدامه مترين..ههههه) محامي مطفوق بس لسانه طويل ويعرف يصرف تمام وهذا أهم شي..(لو شفتوا المنشق وهو لابس روب المحاماة..كان متوا من الضحك..كخخخخخ).
المحامي (المنشق): سيدي القاضي..حضرات المستشاريين..
ان المتهم الماثل امامكم لهو..مظلوم..مظلوم..مظلوم....الخ كخخخخخ
(متأثر بعبد الحليم الأخ..هههه).
القاضي (فواصلي): أقول قم بس قم..ولا كلمة انت (فواصلي والمنشق كانوا متهاوشين أيام الثانوي..والمنشق في ذيك المرة توطا في بطن فواصلي ..ومن يومها والفواصلي حاقد عليه..هههه).
المدعي العام (ليش كذا): أنا معترض..؟؟
القاضي: وانا معترض معاك ياليش كذا..بس ليش (ليش كذا والفواصلي من نفس الحاره..ودايم يلعبون كوره مع بعض في العصر..كخخخخ)..
...........الخ
كملوا انتم باقي الحلم لأن المقهى خلاص يبي يسكر والهندي أخذ عصاه خلاص..لازم أنحاش (يمكن أكملها بعدين)..
بس اللي يبي يكمل الحلم منكم لا ينسى ان (حتحوت ورفيع الشان كانوا نايمين طول الجلسة..يعني مايدرون وش السالفة..كخخخخخ)..
.................................................. ..........
أحبائي..
تلك كانت رسالة حب باسمة..كتبتها لكم من الفضاء الخارجي حيث أفتقد نجومكم المضيئة..أتمنى أن تكون أعادت لكم ولو جزء يسير من ابتسامتكم المعهودة..والتي قد أكون ساهمت في سلبها ذات يوم..
.................................................. ..........
اهداء خاص جدا:
للمبدع خالد عبدالرحمن..
لاتحسبن النور يازين مني..وجهي ترا يعكس لك النور منك..
مثل القمر والشمس كنك وكني..أعكس شعاعك واسهر الليل عنك..
مدامعي تشهد غرامك سكني..والقلب قبل الروح والعين حن لك..
أنا أعترفلك كل مابك فتني..لو تطلب عيوني حبيبي يجنلك..
.................................................. ..........
الى القاء يوم الجمعة فجرا..
صديقكم DAYEM
الحمدلله على سلامة الوصول. أين أنت يا دايم؟ لقد اشتقنا لك والله،
كنت على وشك أن ابلغ الشرطة عن إختفائك.
*أسرع بالمواضيع فأنابانتظار قرارات الجمعية (الله يستر).
اهلا بالدايم المحبوب
طولت الغيبة يا عزيزي ارجو ان تكون بخير
نحن بانتظارك يوم الجمعة وبما انني سفرجي في فندق الداخل مفقود والخارج مولود فانني ارتايت ان يكون غداء الجمعة على حسابي فما رايك بالكسكس هل تحبه?
مع تحيات الناي الحزين ياسين
اهلا بالدايم
ما هذا يا صديقي العزيز لقد اخلفت وعدك وها هي الجمعة قد اتت ولم تظهر .....لقد فاتتك وليمة الكسكس فانت الخاسر.
ننتظرك عزيزي وارجو ان تكون وفقت في الامتحانات
الناي الحزين ياسين
سلام..
كيفكم حبايبي..أناوالله اللي ميت من الشوق لكم..
اسف على التأخير..ترا ماهو مني لكن حجوزات الصواريخ هي السبب..كخخخخ.
.................................................. ..........
جمال:
كيفك ياعسل..
تصدق كنت مسجل برنامجك على قناة دبي لكن للأسف الظاهر التوقيت اللي قلتلي عليه طلع ماهو صحيح..لأن الفيديو سجل برنامج ثاني..
لكن على كل حال الجايات أحلى..ويكفي وجودك في الخيمة معنا.
.................................................. .........
ابو راكان:
ازيك يله..عامل ايه..
وشلون تطلب من مديرك يسدد الفواتير..؟؟انت صاحي..
الظاهر أبي أفنشك قريب..كخخخخخ
شكرا لك ياحبيبي على سؤالك عني.
.................................................. ..........
صديقي المر(والله انك عسل..بس أكيد هالاسم علشان الحسد بس..كخخخ):
أشوا انك مابلغت الشرطة ولا كنت فضحتنا..كخخخخخ
القرارات في الطباعة الان..وان شاء الله راح تقراها قريب..
شكرا لك ياعزيزي والله يديم المحبةبيننا.
.................................................. ..........
الصديقة همسه:
كيفك..وكيف السكرتارية في غيابي..(المفروض انك عارفة أنا وين كنت لأنك السكرتيرة الخاصة..أكيد انك مسوية هالحركة تمويه على اللي بالي بالك..كخخخخ)
مشكورة ياعزيزتي على سؤالك عني..وأخباري كلها تمام دامي في قلوبكم على طول.
.................................................. ..........
عزيزي ياسين:
حرام عليك..حرمتني من أحلى أكلة مغربية..
صدقني ياعزيزي ان الخطأ كان في فارق التوقيت بين الكوكب اللي انا كنت فيه وبين الأرض..كخخخخخ
ويش رايك ياياسين نعقد صفقة تبادل طبخات..ترسل لي انت الكسكسي وأرسلك انا الكبسة الخليجية..أكيد موافق..كخخخخخخخ
صدقني ياأخي ان تجاوبك معي انا وباقي الزملاء هو الدافع الحقيقي لاستمرارنا في هذه الخيمة..شكرا لك.
.................................................. ..........
الصديقة فيافي:
صح النوم..انا منتهي من امتحاناتي من زمان وتوك تدرين..كخخخخخ
أهم شي كيف الامتحانات..ان شاء الله كانت اخر ابداع..
انا متأكد من كذا..لأنك مبدعة في كل شي..بس أهم شي طمنينا قريب على النتيجة..أوكي.
.................................................. ..........
صديقكم DAYEM.