يوميات القراوه ... جمال , دايم .... العرض 25 ساعه باليوم للضحك المجاني

[المنشق]

مررررررررررررررررررررررررررررررررحبااااا

يوم من الايام كلموني دايم وجمال وقالوا ..يالمنشق ودنا نزورك بالرياض ونشوفك وتفرجنا على الرياض ... قلت حياكم الله ..
......

كلموني في يوم رحلتهم وقالوا بنكون بالرياض الساعه سبع بالليل ياليت تستقبلنا .. قلت من عيوني .. وفعلا طلعت المطار وانتظرت .مااحد جاء .. وجلست بالمطار الى الساعه عشر ..قلت يمكن ضاعوا بالمطار .. ولا مسكوهم مشتبهين فيهم ..ماش مالقيتهم ..رجعت للبيت والاقي كذا مسج بالتلفون يقولون كلمنا على الرقم هذا ......
كلمت عليهم وردوا .. قلت وينكم .. قالوا والله مالك حق تواعدنا ولا تجي .. قلت والله جيت مالقيتكم .. قالوا والله وصلنا الساعه سبع ونص للمحطه وانتظرناك وماجيت............ (محطه؟؟)
قلت وش محطته؟؟ قالوا ..محصة التوبيسات .. (الله يفشلكم) وانا ووجهي احسب انكم جايين بالطياره يالقراوه ..اثركم جايين بباص ..ومع العفش بعد ... (الله يعينني عليكم)
المهم رحت للفندق اللي هم مستاجرين فيه .. اول من استقبلني برسيبشن الفندق .. صارور .. وععععععع يعني مالقيتوا تسكنون الا جنب الصرف الصحي ..(على بالهم ماخذين غرفه تطل على بحيره)
ياشين القراوه اذا جو للرياض .. المهم اخذتهم من البياره اللي سكنوا فيها .. ووديتهم لشقه بالعليا .. وسكنتهم فيها ..
قلت انتم ارتاحوا وانا بمركم بكرى اخذكم نتمشى ... رحت وتركتهم ..جيت من بكرى .. الا جمال ريحته ديتول .. يعععععع
قلت جمال وش ذا اللي انت حاطه ؟؟ قال والله يالمنشق قمت الصبح بتروش .. ومالقيت الا ذا الشامبو ...
شوي الا هذا دايم طالع من الغرفه وجالس يبخبخ على نفسه فليت ..
قلت وععععع وش تسوي ؟؟ قال ياخي مالقوا يحطون لنا احلى من العطر هذا بالغرفه ..ياخي ماهو زين ... !!!!!!!!!!!!!!!
انا صراحه لحضتها جاني شعور اني امسكهم وانطلهم من الشباك .
بس فكرت فيها وقلت والله بينحسبون علي اوادم .. بلاش ياولد اتركهم بس ...
خذتهم وركبتهم السياره وساعه يتهاوشون برى السياره كل واحد فيهم يبي يركب قدام .. اخيرا ركب جمال قدام .. وقلت له اربط حزام الامان .. قال وشو حزام الامان؟؟ قلت هذا اللي على الباب ..وقمت افهمهم انه يجنبك الاصابات اذا صار شي لاقدر الله..
وجلس يضحك من قلب .. ودايم قام يضحك .. قلت وش فيكم ليش تضحكون ..قالوا تصدق كنا نحسبه محطوط هنا علشان نربط فيه ترمس الشاهي اذا بغينا نسافر !!!!!!!!!!!!!!!!!!!!!!!!!!!!
اخذتهم ووديتهم لسوق العقاريه التجاري .. قلت امشيهم شوي ..
اول مادخلنا السوق فصخوا نعالهم عند الباب .. والله الفشيله ..
قلت وراكم فصختوا نعالكم ..قالوا الرخام نضيف ماودنا نوسخه ..
مرينا من جنب محل ملابس نسائيه ..قام دايم وقف ولا تحرك ابددد..
اقوله يادايم امش لاتفشلنا .. يقول لحضه البنت هذي تبيني وجالسه تطالع فيني ..نص ساعه واقف ماتحرك ..وبالاخير طلعت البنت اللي تطالع فيه على قولته .. المجسمات اللي يحطونها بالفترينات لعرض الملابس ....
قال جمال انا عطشان ابي اشرب ببسي .. قلتله طيب رح شف هذيك المكينه حط فيها ريال وخذ اللي تبي .. راح وغاب ساعه ..خفت انه ضاع بالسوق ورحت اشوفه .. لقيته واقف عند المكينه وطابور وراه ينتظرون .. وجالس يتهاوش مع واحد فيهم .. الرجال يقوله بسرعه ياخي نبي ناخذ مشروب .. وجمال يقول انقلع هناك مادامني افوز ماني متحرك من هنا!!!!!!!!!!!!!!!!!!!

..........................
يتبع

[DAYEM]

الله يقطع شيطانك يامنشق..كخخخخخخخخخخخخخخ
تصدق توقعت ان قصتي مع البنت راح تكووون حلوة واخرتها طلعت اي كلام..ههههههههه
السالفة حلوووووووة وبانتظار المزيد يامنشق بيييييه..كخخخخخ
بس لو سمحت ممكن سؤال؟؟
انا مافهمت الجزء الاخير يوم قال جمال:
مادامني افوز ماني متحرك؟؟؟ممكن تشرحها لي ولو كلفت عليك شوي..كخخخخخخ
اسمع يالمنشق..
لاتحسبن كلامي الطيب هذا صلح معك..لالالا
الحرب مستمرة..وياويلك..كخخخخخخخخ

[مهند]

المنشق والله انك منت هين غطيت على سالفتهم لما كنتوا بالقاهرة
وانا اقرا مت من الضحك يالله بالغصب كملت السالفة من زود الضحك
لهالدرجة جمال ودايم ما يعرفون شي
لا كله كوم ولما فصخوا نعلهم عند السوق هذي الطامة الكبرى
بس تدري يالمنشق تخيلتك وانت تمسح وجهك من العرق من كثرالاحراج اللي سببوه لك هالاثنين
لا تتاخر علينابتتمة السالفة تراها قصة ولا كل القصص الحقيقة ما تتفوت
وشركة مهند لتوزيع الافلام جاهزة ،،بعد ما تحول القصة الى فلم ارسلها لشركتنا
.
.
.
مهند

[جمال حمدان]

الصراحة يا اخ دايم كلام المنشق كله صحيح
لما أنا وقفت قدام الماكينة بتاعة البيبسي وعشان انا قراوي
فكرت لما بأدخل الريال وبتطلع علبة البيبسي إني بأربح وحظي كان ضارب ...... هذي هي السالفة ....


ولــــــــــــــــــكن قد ما نكزن قراوة أنا والدايم بكره بنشوف مين اللي في الطراوه ....زز

تسلم أخي المنشق ولا فض فووووووووووووووووك .....
أخوكم القراوي : جمال حمدان

[المعلم]

هلا بالمنشق أخوياك ذولا القراوة من وين مستوردهم وهم يباعون جملة والا مفرق تكفى أبيلي درزن منهم ودي أوديهم للمهرجان هدايا للي يكسب من البزارين أعطية واحد تصدق إنهم نكتة 2000
وبعدين يامنشق حرام عليك ياخي يومك توديهم للعقاريةمرة وحدة قللي حراج بن قاسم ويخب عليهم وعلى فكرة ذي ألأشكال ماتتطور بسرعة يبي لك تعودهم تدريجي مرة شارع الوزير ثم البطحاء وانت طالع لاكن على العليأ مرررة وحدة إحمدربك وهم مأغمي عليهم كان كملت الفشلة تصدق
عموماً أنا أمزح مع الجميع وهذى ماينقص من حق الحلقة ألأولى من مسلسل القراوة على العقارية متسوقييين
العذر والسموحة ياصديقي العزيز دايم والأستاز قمال

[المعلم]

وعلى فكرة يامنشق كان ودك يسير تحالف لمواجهة الإرهاب والكباب ترى ماعندي مانع واذى حبيت تراى عندي مؤلفيين واجد يكتبون قصصص ورويات في القراوة يحبها قلبك انا في إنظار ردك
المعلم..مستعد

[DAYEM]

اقول يالمعلم (واحد معصب مررررررة)..
ابعد عن الشر وغنيله..ترا المنشق ماراح ينفعك..فهمت ولا لا
اجل مسوي فيها فزعة..هاه.
تعال ابي اقولك شي..
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
ياخوي لاتعتذر ولاشي..الدعوة سهود ومهود..وسوالفك عسل..وبالنيابة عن حبيبنا جمال أقولك..خذ راحتك على الاخر..عزيز وغالي يامعلم..اوكي

موووووووووتوووووووووني من الضحك....

الصراااااااحة فظيييييييييييييييعة القصة....

كمل يالمنشق كمل يا خوووي ولا علييك منهم..من....ومن...
كخخخخخخخخخ

والله انت مب هييين كلش...كل هذا يطلع منك..مشاء الله عليييك..

كخخخخخخخخخخخخخخخخخخخخخخخخخ

شيووووووومة..معلمة بلاااعم..كمبيوترة هانم..كخخخ

[أطياف الأمل]

وااااااااااو
القصه روعه رهيبه تهبل00
بس شلون تحملتهم هالقراوه00
ديتول مره وحده يا جمال؟؟
والا انت يا دايم فليت00
الله يعينك عليهم00
كمل00
مستنيين الجزء الثاني!!
على قولة المعلم00
العقاريه على طول؟؟؟؟؟؟؟؟؟؟؟؟؟؟؟؟؟
هذيلي يبيلهم سنين عشان يتأقلمون مع الجو00

الله يعينك يا مسكين00
بس كملها بسرررررررعه00
وترا غطيت على قصتهم00
الأعتراف بالحق فضيله

دلوعه الشريره

[سقراط]

سقراط وصللللللللللللللللللل
بسم الله الرحمن الرحيم
موضوع رائع يارائع تصدق الرئيس معجب فيك مات من الضحك
نبقى الان مع كلمة الرئيس
((بعد السلام والتحيه أقول لك ايها المنشق انك منت بسيط
وموضوعك حلو وجميل ...
نظراً للاهانه القويه والسخريه القاسيه والتى تلقتها المنظمه من
دايم بيك فقد اعلنت ما هو أت وسوف يقوم نائبي سقراط باعلامكم
((اليوم الثلاثاء 9/4/1420 الموافق11/7/2000))
تلقت المنظمه أهانه قويه من دايم بيك لم تتحملها ولذلك امر الرئيس بما هو أت
1- البحث عن الد أعداء دايم بيك في هذه الخيمه
2- البحث المكثف والتقصي عن هذه المنظمه
3- زرع جواسيسنا داخل هذه المنظمه
وبعد قرأت المواضيع الموجوده في هذه الخيمه
أتضح ما هو أت
1- وجود عداء بين دايم بيك والمنشق افندي
2- وجود شريك لدايم بيك وهو جمال بيك
3- عداء مزمن بين هذا الثلاثي
4- بعد قرات وتمحيص وفصفصت موضوع المنشق اتضح ان الاخوه جمال ودايم قراويين
وقد قررانا ما هو أت
1- توجيه دعوه الى الاخ المنشق لاجل الانظمام الى هذه
المنظمه
2- أعطاء الاخ دايممم مهله لا تتجاوز الثمانيه والاربعين ساعه للاعتذار للمنظمه.....
المنشق في حالة أنظمامك في المنظمه فسوف تحصل على الاتي
1- رئيس أجهزة الكمبيوتر والفيروسات بالمنظمه
2- سيارة بي ام كوبيه حمراء
3- اشتراك مفتوح على مدار السنه
4- مرتب مغري جدا
5- زواجك علينا واذا كنت متزوج من قبل ما عليش
نزوجك مره ثانيه (بس العروسه حنى الا نختارها لك )
6- سوف نساعدك في التغلب على دايم وجمال
وشكرأًً
Xxxxxxxxxxxxxxxxxxxxxxxxx
((سقراط هكرز))
Xxxxxxxxxxxxxxxxxxxxxxxxx