شرهة الغالين
شرهة الغاليين
لا تجاملني وإحساسي دليـــل
لا تزيد الجرح كافي مدمعـه
يغرق الإحساس بشعور العليـل
دام منك الجرح يحرق موجعه
ليه أجامل وأنت محسوب الخليل
ومن يجامل من يحبه يخدعـه
شرهة الغاليين ما فيها خجيــل
لو صراحتها تزيل الأقنعــه
والغلا ما يوم يملكه الذليـــل
لو تظاهر به يبين منبعـــه
من عتابي ضقت و عتابي نبيـل
وغررك عاذل بجهلك تتبعـه
ما يضير الحر خداع وضليــل
والعواذل كيدها ما يخضعــه
لو تشابه كل جرح في قتيـــل
ما فرق موت الضحية مصرعه
جيتك لي واعتذارك لي دليــل
أنك الغالي ومن روحي معــه
|