كثروا الطباخين - يعقوب احمد يعقوب
كثروا الطباخين
كِثروا الطباخين عَ الطبخة
كثروا الطباخين
والطبخة احترقت وشاطت
شاطت يا حلوين
وإلي ما بعرف يطبخ صاير
سيد الطباخين
كثروا الطباخين عَ الطبخة
كثروا الطباخين
وكل واحد بتدخل فيها
بيجي يكحلها.. بيعميها
كلو عَمَ يخربط فيها
ومن اولها.. لتاليها
بدها رب يعين
كثروا الطباخين عَ الطبخة
كثروا الطباخين
وإلي بفلفل.. واللي ببهر
واللي بكسر.. واللي بجبر
زي العميا تكحل طرشه
زي الخرسا إتدل العميا
على عجن العجين
كثروا الطباخين عَ الطبخة
كثروا الطباخين
|