الجــبــار

[الشيخ عادل]

عايز تحب ربنا قوي ؟ يبقى لازم تعرفه , و عشان تعرفه يبقى لازم تعرف أسمائه و صفاته .
و أول ما حتعرفه , حتحبه , فتطيعه .
" اذا عرف الآمر سهلت الأوامر "

تحب أنهي اسم ؟ الرحمن ؟ الودود ؟ الرحيم ؟ التواب؟ الجبار
و معنى الجبار : يعني اللي بيجبر عباده المنكسرين و المحرومين ( منها جاءت كلمة جبيرة و جبر الكسر العضوي )
ياااااااااه !!! ده طلع اسم حنين قوي
!
الاسم ده للحزانى و المكسورين و السيدات الضعفاء و لكل أمة محمد .
مش حتروحله غير و حيجبرك .
مين يجبر لك نفسك غير الجبار ؟
البنت اللي قلبها اتكسر , مين ليكي غير الجبار ؟
المحروم , مين ليك غير الجبار ؟
المنكسر , مين ليك غير الجبار ؟
الزوجة اللي زوجها تاعبها , مين ليكي غير الجبار ؟
الشريك اللي شريكه خانه , مين ليك غير الجبار ؟
الأم الملكومة أو اللي ابنها تاعبها , مين ليكي غير الجبار ؟
و الضعفاء و الخائفين , من لكم غيره , الجباااااار ؟
يا جابر كل كسير , اجبرنا يا رب .
مين يمسح دمعك و يخفف عنك ألامك و يريحلك قلبك غيره ؟
يا غلابة ملكوش إلا الجبار . روح ليه يلم شملك .
إزاي حيجبر الكسر و مفيش مكسور ؟ لو مفيش خائف ولا مظلوم , صفته دي حتعمل إزاي ؟
يوجد مثل مصري يقول : " جبر الخواطر على الله "
ادعيه : اجبر بخاطري و هو لااااااااااززززم حيجبرك .
جابر : يجبر مرة واحدة و خلاص .
أما الجبار : فهو كثيييييييييييييييير الجبر . كل ما تروحله , يجبرك .
حتروح لمين غيره ؟؟ هل يتعلق الغريق بالغريق ؟ هل يسال الفقير الفقير ؟
دي من حكمته أن ننكسر , نظام في الكون عشان لما نتعب نجري على الجبار فنحبه . دي كارثة لما تتكسري و متروحيلهوش , أو تروحي و أنت مش مصدقة مصدقة ! لا يمكن تروح للجبار و ميجبركش .
لو عرفت معنى أسمائه لاااااا يمكن ماتحبوش . يمكن يأخر عليك الإجابة أو يـُجبرك من ناحية تانية غير اللي انت عايزها , بس كله لمصلحتك
هل تتخيلوا مدى سرعة الإجابة عندما نصدق الله !

أم موسى : " وأوحينا إلى أم موسى أن أرضعيه فإذا خفت عليه فألقه في اليم ولا تخافي ولا تحزني إنا رآدوه إليك وجاعلوه من المرسلين" تشعر عند سماعك لهذة الآية أن الله يطبطب عليها بكلامه ( ولا نجسم ولا نشبه و العياذ بالله ) "إنا رآدوه إليك وجاعلوه من المرسلين " ثم يجبر الجبار بخاطرها مبرهنا ً أن وعد حق " فرددناه إلى أمه كي تقر عينها ولا تحزن ولتعلم أن وعد الله حق "
ثم حكاية موسى نفسه مع الفتاتين و التي نحفظها عن ظهر قلب : انه وصل الى مدين منكس , بلا مأوى , ولا طعام و لا شراب , ثم سقى للفتاتين و استظل تحت شجرة و دعا قائلا ً : ربي اني لما أ َنزلت إلي ّ من خير فقير
.
فيجبر الجبار بخاطره : "فجآئته إحداهما تمشى على استحياء قالت إن أبى يدعوك ليجزيك أجر ما سقيت لنا " يعني أول لما دعا ربنا بعتله إحدى البنتان و يفتح له به طاقة السعد كما يقولون .
نحن محتاجون كأم موسى أن نذهب للجبار , بقينا ضعفاء و منكسرين و محتاجين له . بس إوعى تشك لحظة , ممكن ميجيلكش اللي أنت عايزه مره واحده أو هو بالضبط .
الشباب اللي بيبكوا على حال الأمة .. البؤساء : رحله و هو حيجر بخاطرك .
الجبار :
جبار للمظلومين , و جبار على الظالمين
اللي ظلمك لازم حيـُـقسم .
بالتالي :
يا بخت من بات مظلوم و لا بات ظالم .
أوعى تظلم ساعي أو خادم أو فقير أو أيا من بني أدم أقل حالا
ً منك

.
خليك مظلوم و لا تبقاش ظالم , تبات و دمعتك على خدك و قلبك محروووووق أحسن من كونك ظالم لا تأمن مكر و غضب الله عليك
.
فإنه يتعلق به كل مظلوم و يخشاه كل ظالم .
شاب فقير تقدم لخطبة فتاة والدها ثري . فأهانه أبوها و طلع الشاب من البيت مكسورا ً باكيا, فتمر الأيام و يـُـفرض على البلد قانون جديد و تقلب الأحوال و يخسر الثري معظم أمواله و يقلب الحال و ينجح الشاب في عمله نجاحا باهراً و يحتاج له الثري حتى ينقذ له الشاب ما تبقى له من ثروته . و إذ بالأيام تلعب لعبتها و تقلب الأحوال : فيطلب الثري من الشاب الزواج من ابنته !
عجبت لمن يعرفك كيف يخاف / يخيف عبادك و انت الجبااااااااار .
لو انكسرت اجري عليه و ابكي بين يديه و قوله يا جابر كل كسير , أنت الذي سميت نفسك جبار , فاجبرني.
و إياك أن تغضب الجبار
لحظة العرض على الله , ينلدى : فلان بن فلان , هلم للعرض على الجبار
.
فيفرح بها كل ضعيف و يخشى منها كل ظالم, فإنه جبار في الدنيا و الأخرة.

هناك نوع آخر من الجبر :
يبقى نفسك تعبده بطريقة معينة , بس مدهالكش , فلازم يبعتلك حاجة تانية من عطاءه .كمثل موسى ( عليه السلام ) عندما طلب من الله " ارني انظر إليك " بس الطلب ده مينفعش و لكن جبر الجبار بخاطره و جعله كليمه
.
و المرأة في الحيض برمضان تبكي بالدموع السخينة انه ممكن تفوت عليها عبادة و قيام ليلة القدر بالصلاة و قرأة القرأن , فيجبرها الجبار بقذف خشوع في قلبها لم تصل اليه المصليات
.
الواجب
روحله و قوله " اجبر بخاطري
نذكر بعضنا باسم الجبار