الإقامة: وأينما ذُكر اسم الله في بلدٍ عدَدْتُ أرجاءه من لُبِّ أوطاني
المشاركات: 5,873
انت مش بتمسك إيدي ليه ؟
انتا ليه مش بتمسك إيدي وإحنا ماشيين في الشارع؟ "
" لأ بلاش.. افرضي حد من قرايبك شافنا؟ والا حد من أصحاب أخوكي في الكلية؟
إن شاء الله يا حبيبتي بكره نتخطب وامسك إيديكي أدام الدنيا كلها ".
" إنتا ليه مش بتمسك إيدي وإحنا ماشيين في الشارع؟ "
" علشان مش عاوز حد يفتكر إننا علشان اتخطبنا هنصيع بقى ونعيش حياتنا..
وبعدين بصراحة كده أنا مستحرم..
إن شاء الله بكره نتجوز وامسك إيدك وإنتي مراتي حبيبتي في الحلال ".
" إنتا ليه مش بتمسك إيدي وإحنا ماشيين في الشارع؟ "
"يا حبيبتي إحنا مش مراهقين بقى هنمسك إيد بعض في الشارع وكده..
إحنا اتنين متجوزين ومحترمين وعندنا بيت نعمل فيه اللي عاوزين نعمله ".
" إنتا ليه مش بتمسك إيدي وإحنا ماشيين في الشارع؟ "
" يعني امسك إيدك والا امسك إيد البنت والا اشيل الأكياس دي كلها؟ !"
" أنت ليه مش بتمسك إيدي وإحنا ماشيين في الشارع؟ "
" إيدك إيه بس اللي هامسكها دلوقتي!
إنتي عاوزه جوز بنتك يقول علينا كبرنا وخرفنا؟ !"