أخوي دايم العلو
اللي كتبته مسلمة 04 موب هيّن بحقنا
وأنا واثقه إنك تبي تهدي الموضوع لكن هي مطالبة بإعتذار عن اللي كتبته
وترى من السهولة أكتب عنها أشياء وأشياء وأتهمها في شرفها ودينها وعرضها وافعالها
لكن ديني وتربيتي تمنعني من هذا ، وليتها راحت وما كتبت شي بها الطريقه
وما كان ودي أدخل بموضوعات مثل ذي ، فاللي يحاسبني ويحاسبها رب العالمين وما أحد وكلها عننا تتهمنا باللي مكتوب فوق ، ومع هذا تبينا نسكت وكان اللي كتبته صاير بالفعل فينا وإذا سكنا وانا أختك أكيد بنكون كما اللي راضي بالشي ومقتنع فيه
وإذا سكت غيري أنا ما رايحه أسكت على شي أشوفه غلط ، وأكيد هي لها قناعاتها ولها أسلوبها اللي تفكر فيه ، وهم بعد حنا عندنا قناعاتنا وأسلوبنا اللي نفكر فيه وما أظن إن مسلمة مرسله من ربي تفسر أعمالنا وتتهمنا في شرفنا وأسلوبنا بالكتابة
والغريب بموضوعها إنه متناقض من أوله لآخره وما كان ودي أقول كذا
وإذا تبي أثبت لك شوف معي هالمقاطع
المقطع الأول تقول فيه
إقتباس:
في هذا المنتدى استفدت وتعلمت الكثير الكثير ولله الحمد والشكر،كانت غايتي التفقه في الدين وتعلم أشياء فيه،والحمد لله الذي هدانا لهذا وما كنا لنهتدي لولا ان هدانا الله،بل وحتى تعلمت أشياء كثيرة في الحياة لم اتعلمها إلا من خلال هذا المنتدى فقط،وسبحان الله،فلله الحمد والشكر اولا وأبدا،المهم،كل هذا لأقول أنني فعلا مدينة بالشكر لهذا المنتدى ولأعضائه الطيبين الذين كانوا سببا في أن أتعلم ولو حرفاواحدا بإذن الله وتوفيقه ورحمته طبعا،فلله الحمد والشكر أولا ودائما
|
وكل هالفوائد والشكر والتقدير وووووو وبالأخير ترجع تكتب
إقتباس:
أرى معظم الأعضاء يسارعون بالمشاركة في أقسام اللهو والكلام والسياسة وغير ذلك
|
وهم بعد كتبت تقول
إقتباس:
معظم الأعضاء عندما يشاركون سواء بموضوع أو رد،يكون فقط من باب المشاركة ليس إلا
|
وأنا أتساءل وين هي جهودها ومواضيعها اللي كتبتها بالخيمة ونفعتنا بها ؟
إذا هي استفادت مننا ليه ترجع علينا وتقول حنا فاسقات وموب فاهمين الين ولازم نخرج من المنتدى ونوصيكم بمنتدى تحفيظ قرآن وووو
والمثل يقول الله ما شفناه لكن باعقل عرفناه وشلون يصير منتدى تحفيظ قرآن ؟؟؟؟؟
وهناك ألف برنامج وبرنمامج للقرآن ممكن أنسخ لكم منه ةالصق بالخيمة واقول هذا أنا كاتبته من راسي حفظ ، اللي تبي تحفظ القرآن تبي تحفظه بطريقتها الخاصة ومع واحده من زميلاتها وموب في المنتديات
ويمكن يجي واحد يقول ليه يا ريم تكتبين هالكلام على مسلمة وقبل كذا أبي أحط كلامها وانتم إقرأوه واحكموا وشوفوا
إقتباس:
هناك منتديات للدعوة لله وخاص فقط بالنساء ولله الحمد؟؟فلم إذن انت هنا؟؟يا غالية
|
وتجي هنا وتتطاول على الله وتقول
إقتباس:
الإختلاط محرم ليس فقط ببدنك،بل بروحك ونفسك أيضا،اتظنين انه لحجابك قيمة عند الله إن سترت بدنك ولم تستري نفسك وقلبك؟؟
|
هي بها الكلام تتهمنا إنا حنا موب ملتزمات بشي يرضي ربي
، وحتى تصدقون شوفوا وش كتبت
إقتباس:
ثق بي يا غالية،ستر نفسك وقلبك أولى بستر بدنك!فسهل ان تستري بدنك بثوب بسيط،لكن الصادقات التقيات النقيات فقط،هن اللواتي تستطعن ستر قلوبهن وانفسهن أيضا بإذن الله وتوفيقه تعالى،وستر القلب والنفس هو التقوى،استري بدنك بثوب طوال حياتك إن شئت،لكن اعلمي أنك إن لم تعطي لنفسك وقلبك حجابهما الحقيقي،فما سترت نفسك ،والله أعلم.
|
هالشي يعني حنا موب تقيات وموب طاهرات وموب نقيات وما عندنا تقوى ووووووو
إقتباس:
فيا اختي الحبيبة،تعالي معي لنتوب إلى الله تعالى من غفلتنا التي كنا فيها ولنستر أنفسنا وقلوبنا بإذن الله
|
وفي هالمقطع بالذات صرحت وقالت لازم نتوب من اللي حنا فيه ، والتوبه ما تكون إلا من ذنب واللي نسويه حنا بالخيمة واللي نكتبه كله ذنوب بذنوب هذا من وجهة نظر مسلمة 04
وتعالوا شوفوا معي هالكلام من كلامها
إقتباس:
وكفانا اننا نختلط ليل نهار بالرجال في هذه الحياة شئنا أم أبينا وحسبنا الله ونعم الوكيل لكن أنظري،بيدك بإذن الله تعالى ان تختاري أنت عدم الإختلاط في المنتديات!
|
وما ني قايله إلا حسبنا الله ونعم الوكيل فيك
ولو جلست من هالحين إلى بعد يومين ما وصلت لآخر اللي كتبته مسلمة 04 في أعراضنا وشرفنا وأدبنا وديننا اللي انتقصته وسفهتنا كأننا ما نفهم شي ولا نعرف شي
المشكلة إن هناك بعض اللي حفظوا لهم آيتين صاروا يحللون ويحرمون وكأننا ما حفظنا من القرآن شي وما عرفنا من الدين شي وما فهمنا من السنه شي وما نقدر نفكر وما نفهم شي أبد سبحان الله
هو هذا اللي تبي تقوله مسلمة بساطة عننا في موضوعهاوحتى أحدد عني أنا كوني بنت من البنات اللي يكتبن بها المنتدى
الله يهديها بس وما عدت قادره أكتب زيادة فاعذروني