محمد الدره .. الى روح الشهيد البطل

[محمد عبد القوى حسن]

[poet font="Arial,6,red,bold,normal" bkcolor="transparent" bkimage="backgrounds/13.gif" border="solid,2,seagreen" type=3 line=350% align=center use=ex length=0 char="" num="0,black" filter=""]
محمدالـــــــدره

الى الشهيد البطل
محمد جمال الدره
تحيه لداه الطاهره

ــــــــــــــــــ


مابقاشى فى ارضى الطيبه
غير الدموع
ع اللى ما بين كفى اتقتل
محمد الدره
ابكيك متين مره
واصرخ بعزمى فى التلال
بين جثة ابنى وبينى نار
البندقيه مصوبه
على صدر طفلى
وانا فى كابوس
ماقادرشى احوش
ولا الم دمه ارجعه
ولا حتى قادر اودعه
اخر وداع
ياولدى صرخاتك فى جنبى
كل يوم
ماقادرشى انام
ماقادرشى اقوم
صورتك على وش المدى
بتحز وترفرف فى قلبى
صورتك على شجر الزتون
وعلى المتاريس والحجاره
صورتك فى دمع اليتما
بتقطر مرار
صورتك فطار وغدا وعشا
نازله تقطع فى الحشا
يامحمد الدره
باطلقه بين عمق العرب
ليه صرختك مالهاش صدى
فى ديوان محاكم القضا
او فى بيانات الامم
لساك يادره
مرمى فوق قلب الرصيف
ببدن نحيف
ماشبعشى من دمك عدو
جاى يغتصب
عرضى ومالى وقدسى
حرمى
تاريخى
هويتى
مين اللى جاب الاسرائيلى
فوق فراشى يدنثه
والجثه دى لمين ياعرب
جثة باراك
والا لشارون
والا لكهانا او نتانياهو الخسيس
الجثه دى مش لليهود
الجثه دى
جثة ولد
م الطائفون ومخلدون
شايف فى يده كاس معين
كان بده يروى المسلمين
وابوه ياعينى مايحتكم
يرفع عن الدره الازى
والواد يقول
ياابويا حوش
عنى الوحوش
طلقه وادى التانيه وكتير
طلقات كتير مالهاش عدد
دخلت جسد هذا الولد
وفى عرف مين
وفى شرع مين
مليون محمد دره فوق الارصفه
مليون سناء محيدلى
ولولا عبود تنقتل
سعد القصيرى
وماجد التل وكتير
وكتير ياعينى من الصبايا
وم الشباب
وابريا الوطن السليب
والقدس ضايعه فى النحيب
وصراخ عويل
نزيف طويل
مين المجيب
مين اللى قال
لبيك ياقدس العرب والمنسلمين
يا اهل القصور والارصده
فى بنك الدولار
هاتوا الرصيد نمحى به عار
وبنفطكوا نسوى القرار
ونحى فينا تانى عزم الانبيا
صالح وموسى وعيسى
مع النبى المصطفى
ليه ماتت النخوه
ودارتنا الحيطان
ليه نظرة الدره فى موته
كشفت العربى الجبان
اطفال تموت ع الارصفه
نساوين بيسلبوا عرضها
وبنات تضيع
من تحت عجلات القطار
واحنا نارنا غير النار
وبرغم كل الانشطار
واللاقرار
وسواد مدار
ماشايفشى قدامى طشاش
ماشايفشى غير دم الشهيد
بكتب بدم الدره ابيات الشعر
وبقول لابوه ابنك ماماتش
ابنك بيدن
ابنك بيدن فوق حيطان الاقصى
لصلاة الفجر
ابنك شراع الخير فى قلب الطيبين
اللى مايملكوا
غير دموعهم ع الصبى
ابنك فى سهراية الفقارى
ابن عريس كل العزارى الحوريات
ابنك ابو دره مامات
انا شايفه جاى
فاتح دراعاته بيجرى على
اضمه بين كفوفى ياخى
اقوله جاى
يقوله حى
اقوله جاى
يقولى حى
وجاى يادره لجل تموت ميتين مره
فى عرف الموت تقف وحدك
واحنا اللى نقف بره
بلاش ترجع
يقولى جاى
اقوله خلاص
مادام حسيت
مادام لبيت
تعالى مادمت انت مصر
اكيد دمك يادره حر
وبص الدره ع المشهد
ملايين العرب قاعدين
لاراحوا شمال
لاخطوا يمين
ومنتظرين
يجيهم دره لجل يسد
عين البندقيه سد
يموت ولا حد منا يمد ليه اليد
يموت وحده
واحنا يادوب فى خلف التل نتصعب
ونضرب كف فوقه كف
سيول الدمع مابتجف
يادره احنا ما نملك غير
دموعنا عليك
وانت تموت
نيابه عن طوابيرنا اللى مختفيه ورا فى الضل
ولا عمرك يادره تمل
رصاصات العدو فى صدرك
بقت عادى
دماك يروى شقوق لسفلت
شىء عادى
تموت ولا حد من يمد
ليك اليد
ولا عادى
ومش عادى
فى درب العرب يادره
موتك شىء بقى عادى
موتك شىء بقى عادى
موتك شىء بقى عادى
ويمكن اقل م العادى
[/poet]