)))))))) مهما حصل ((((((((

[سطام بن أحمد]

[poet font="Simplified Arabic,4,darkblue,normal,normal" bkcolor="transparent" bkimage="backgrounds/20.gif" border="double,4,gray" type=0 line=200% align=center use=ex length=0 char="" num="0,black" filter=""]
منهو يلبّي للندا يوم أنادي = ويْدلّني للي سحرني جماله

هو منوتي و الزين غاية مرادي = اللي ملك كلّي و كلّي حلاله

هو شوف عيني مسكنه في فؤادي = أقرب من عْيوني بعيد ٍ مناله

ليلي وحسنه فيه رايق وهادي = لو غاب بدر الليل نوّر هلاله

شوقي حراره مثل شمس البوادي = لا أشتدّ قيض الشمس تلقى ظلاله

في وجنته وردٍ معطّر ونادي = وفي بسمته كلّ الحلا في دلاله

جار الزمن من بعد لمس الأيادي = جار الزمن و أصبح جدار ٍ حياله

مهما حصل فيني و طال البعادي = لو أنقتل ما أرضى لقلبي بداله

سطام بن أحمد

[/poet]

تقبّلوا تحيّاتي العطرة

سطام بن أحمد

[أطياف الأمل]

اخوي سطام بن أحمد ..
صح لسانك اخوي ..

في وجنته وردٍ معطّـر ونـادي وفي بسمته كلّ الحلا في دلالـه

رغم أني لست بذلك القدر مع الشعر.. ولا لي دراية به الا ان ما كتبت اناملك هو كلام جميل ورائع بحق.. لا يحتاج إلى درايه وعلم كبير لمعرفة جماله ..
يعطيك ألف عافيه .. و بانتظار المزيد

تحياتي لك
دلع

[همس الأحاسيس]

ومرّة ثانية تبدع أخوي سطام
هلا فيك ومرحبا مرّة ثانية ، ومن جد طلاّتك رائعة مثل روعة المعاني اللي تكتبها
وتأخرت أخوي عن بوح الخاطر عسى المانع خير
كلماتك من جد رائعة ، والصور اللي فيها روعه
تسلم أخوي على مشاركتك معنا ويا ليت ما تقطعنا مرّة ثانية
وحياك أخوي مرّة ثانية وجعلك على القوة


باااااي

[سطام بن أحمد]

هلابك و الله أختي

الف شكر

و الله شرّفتي القصيده بمرورك عليها

ولك منّي أرق تحيّه

ويا هلا

[سطام بن أحمد]

يا ريم

ما أقول الا لله درّك

و خلاّك ذخر للمنتدى و أهله

مبدعه في كل شيء

حتى في ردودك

ما شاء الله عليك

تحياتي لك