وحدي .... ( باللهجة العامية )

[منذر ابو حلتم]

وحدي ..
وضو الشارع
وورده بنص كتاب ..
وجوه شمع ملونه
برد وضحك واحباب
والقهوه مره ..
والوعد اصبح قريب
وعازف على عوده انحنى ..
يرسم عوجه الليل
موجه عليها شراع
.. وحدي انا ..

القهوه مره ..
والوعد مضى له زمان
وجوه شمع ملونه
وضحك وقمر سهران
وعازف على عوده انحنى
وحدي انا ..

صحاب احنا يا قمر
من يوم ما كنا سوا
نسهر عا سطح الدار
من يوم ما كان العمر ..
بسمة فرح وازهار ..
لكن ما بعرف شو جرى
حتى صرت مثلي حزين ..
واقف على طرف السما ..
يا ترى ..
بتستنا مين .. !
وحدي انا والليل
وانت يا قمر ..
والقهوه بردت من زمان ..
والعود ساكت والهوا ..
بيدور وحده بهالطريق ..
والشارع بحور الحلم
فيها انا وحدي غريق ..
وما ظل غيرك ياقمر ..
نسهر سوا .. ونمشي سوا من جديد ..
وورده بدون كتاب ..
هب الهوى وطارت ..
بعيد .. بعيد .. !



[real]http://www.kubbar.com/Music/shama-3ood_4.ram[/real]