وحدي .... ( باللهجة العامية )

[منال درويش]

منذر،،

وحدى وأنا وسكتى
والخطوة مشيانى

بكيت انا وحدتى
والدمعة سبقانى

وقلت يا غربتى
فين أهلي وجرانى

وقلت يا عزوتى
وعروبتى عنوانى

وقلت يا اسوتى
دى التوهة عرفانى

ومشيت وأنا وقهوتى
والشمس عنوانى

مالقيت صحيب قلب رق
ولا حتى واسانى

ما لقيت قريب في المدق
يصدق ويلقانى

ما لقيت غير الجراح
و ضاع ما بينا الحق

ما لقيت غير النواح
يا غربة سرقانى


فين الصلاح والحق
يا زهر بستانى

جفيت يا دمع الندى
نستنى انسانى

فوق مسرحى باغنى
والناس دي سمعانى

ولا شوفت فيهم حد
يهمه أحزانى

مسرح يا دنيا الكلام
أقول يا ناس تانى

وحدى أنا ف غربتى
والتوهة عنوانى



منذر ،،

معك ومعنا ومع ارضى الحبيبة فلسطين الله ليس لنا غيره

اختك منال