سواليف رمضانية ... اللي يستحي لايكتب

المنشق · #1 01-12-2000, 11:20 PM

مساكم الله بالخير جميعا .. وكل عام وانتم بخير وسلامه ...

قلت اجي واسولفلكم شوي عن الصوم يوم اننا صغار .. وترى المجال مفتوح للجميع يسولفون عن ايام رمضان يوم انهم صغار ...

زماااان اول مابديت اصوم .. كنت اصوم غصب عني .. واول رمضان صمته كان الجو حاااااااار ... كنت اقول لابوي ..يبه اسمحلي اصوم الى الظهر بس .. وكان يرفض ويطقني بعد ..
وانا ماش مااقدر استحمل هالحر .. المهم كان سعيد راعي البقاله اللي جنبنا حليل اذا شريت منه مايعلم اهلي وكان يخليني اكل عنده بالبقاله .. يخليني اخش ورى اكياس الرز والسكر عشان مايشوفني احد ..
مره من المرارير .. اكلت اسكريم توت .. وتوهقت صار لساني احمررررررررر ..واذا رحت للبيت كفشوني اهلي .. نسيت اقولكم كان ابوي دايم يقول ورني لسانك .. علشان يعرف انا افطرت ولا لا ...لانه اذا كان ابيض يعرف اني ماافطرت ...
جلست افكر وش اسوي وش الحل .. المهم مالقيت الا حل واحد ..وهو اني احك لساني بجدار .. علشان يصير ابيض .. وفعلا حكيته بجدار بيتنا .. بس القهر اليوم هذا بالذات اللي ابوي ماقالي ورني لسانك ...
.............................
ثاني رمضان صمته ..طبعا كبرت شوي على الفطور بالبقالات والجلسة تحت كراتين الشطه والسكر والرز ... قلت ياولد مالك الا انك تراقب امك اذا ابعدت عن المطبخ ادخل والقط اي شي يقابلك بالثلاجه .. حتى مره من السرعه والخوف سحبت فخذ دجاجه نيه ..
المهم .. مره دخلت اتسحب للمطبخ من غير محد يحس فيني ..
وافتح الثلاجه الا والله الخير ماليها .. ومن الجوع جلست اكل عند باب الثلاجه .. كلها 3 دقايق بسسسس .. وبعدها حسيت ببركان انفجر براسي ..التفت الا هذي امي ويوم جت عيني بعينها وتصكني بنيه على عيني نستني اسمي .. وقالت وش عندك هنا .. انا من الروعه والخوف مدري وش اقولها ... قلت يمه علي الدوره اليوم ..
اشوى ضحكت ونست الموضوع ولا علمت ابوي....... لكن بعد هاليوم صارت اذا طلعت من المطبخ قفلته بالمفتاح !!!!!!!!!

والسوالف واجد .. بس انا قلت افتح لكم الباب وانتوا اكتبوا ولا تستحووووون ........