أمى الحبيبة"مهداه الى كل ام"
[poet font="Simplified Arabic,5,green,bold,italic" bkcolor="skyblue" bkimage="backgrounds/19.gif" border="groove,4,gray" type=0 line=200% align=center use=ex length=0 char="" num="0,black" filter=""]
-----------
امى الحبيبة = فى بعدى عليكى
بشوفك قريبة = بشوقى اليكى
انا ومعاكى = سلطان زمانى
بترديد نصايحك = تانى وتانى
اول نصايحك = طع اللى خالقك
صلى وصوم = هو اللى رازقك
تانى نصايحك = فى الدنيا اجرى
اعمل بهمة = واصحى بدرى
تالت نصايحك = لجارك حقوق
لازم تصونها = لتبقى عقوق
رابع نصايحك = الدنيا وسيلة
لغاية اكبر = هامة ونبيلة
وأى واجب = اديه بذمه
ولو حق ليك = اطلب بهمة
وعن الظلم ابعد = دايما بعيد
ده عمر الظالم = ماكان سعيد
هى دى نصايحك = وغيرها كتير
اللى بدونها = لا يمكن اسير
امى الحبيبة = فى نفسى كلام
كله محبه = وشوق وسلام
لو كل الشموع = كانت بتطفى
ده نور عنيكى = للدنيا يكفى
لو كل الأمانى = كانت بتهرب
بلمسة حنانك = تيجى وتقرب
لو انى صحرا =تبقى انت المياه
اللى بدونها= ماتقوم حياه
أول لسانى = ماعرف الكلام
بابا وماما = كان أول كلام
امى الحنون = امى الحبيبة
لو انى مريض = انت الطبيبة
لو أنى افكر = ارد الجميل
مش ممكن اقدر = ولا بعد جيل
ادعوك يارب = تحفظ خطاها
وانا لىّ مين = غيرها سواها
[/poet]
__________________
نبض الكلمات اقوى من نبض القلوب
|