طموحي أقتل ثلاثة بس ؟؟

[أبو منصور]

[poet font="Simplified Arabic,5,blue,normal,normal" bkcolor="transparent" bkimage="backgrounds/15.gif" border="none,4,gray" type=2 line=200% align=center use=ex length=0 char="" num="0,black" filter=""]
أنا ادري كل ما يجري بهالدنيا عبث وغـرور =أنا ادري كل ما يجري بصدري ثورة الانسان
ظلام الليل يمنعنـي أبـوح واشتكـي للنـور=من الدنيا وما فيها من أحزان ومـن حرمـان
أجر اخطاي واتمنى أجنـب دربـي المعثـور=مسافر والمدى يكبـر وأهدافـه بـلا عنـوان
وحيد ضاق بانفاسه غريب في بلـد مهجـور=يخاف الهمس والومضة وطرفه دايـم حيـران
أنادي والزمن يجري ودربي همـي المنثـور=أسير ولا يخلصني بخيل ولا كثيـر احسـان
على ضي النجوم أسري وساقي ما اعتلاه فتور=تثقل خطوتي بسمـة ويسعـد قلبـي النسيـان
طموحي أكبر من أني أحلي بالقصيـد بحـور=طموحي أكبر من أني بشعري أستميل إنسـان
طموحي أمسح الدمعة وأعالج لوعة المقهـور=طموحي أزرع البسمة وأعدل شوكة الميـزان
وأعالج كل من يعجز يداوي سقمـه الدكتـور=وأخلي الروض ما يذبل واصير قفرنا بستـان
طموحي أجعل الدنيا سلام ومرحمة وسـرور=طموحي أقتل الفتنة وأهلها واقتـل الشيطـان
[/poet]