مـشــــــــــــتـــاق

[Almusk]

قصيدة أعجبتني وأحببت أن أنقلها لكم مع خالص تحياتي

مشتـاق
ياللي على رجم القصايـد تعليـت..
وخذت من جزل المـعاني دررهـا..
لك التحيه كل ماصبحت وامسيـت..
ياروح روح الروح وثمرة زهرها..
تسكن بنبض الدم والقلب لك بيـت..
فياض عشق الروح نبضك ثمرهـا
ياما سريت الليـل يامـا تحريـت..
مـزون حبـك تستهـل بمطرهـا..
وخليتني..لاني بحي"ن" ولاميـت..
بوسط سكة طال خطـوة سفرهـا..
وأنا الذي من شأن حبـك تعنيـت..
طفت البحر والبر وكايد خطرهـا..
بعزوم فـارس شامخ"ن"ماتثنيـت..
ياقـرة عيونـي وبهجـة نظرهـا..
ياشوق لعيونـك حشـا ماتخليـت..
أسوق رجلـي للعـلا ماحدرهـا..
ياشوق لك ناديت..ناديت..ناديـت..
اسكن فياض الحب وأقطف زهرها..
هذي الحقيقة جيـت والا تغليـت..
ربيع عمر الروح نبضك مطرهـا..
شفني أنا من عالي الرجم غنيـت..
مشتاق لك مشتاق ياأجمل دررهـا..