من مظاهر كبر السن عند الرجال والنساء؟؟

[Almusk]

من مظاهر كبر السن ((نساء))

1- كل اللي فوق عدا بعضهم!!!!
2- تطول في الصلاة اشوي وأحيانا تقوم اتسوي لها كم شغله و احجاب الصلاة عليها ثم ترجع وتكمل اتصلي.
3- تبدأ تعمل فساتين واسعة اشوي وتعمل فيها مخابي للمفاتيح والحلاوة لعيال بناتها.
4- تبدأ ما يعجبها بنات هالوقت ودائما تشوفهم غلط.
5- تستسلم للأمر الواقع وتبدأ تقول لجارتها اللي أصغر منها (يا بنتي) أو( اعتبريني مثل أمك) وتقول لبنات اخوانها وأخواتها لما تبي منهم شي يا بنتي.
6- تبدأ تحب تخزن الاقمشة الجديدة ولا تخيطهم.
7- تبدأ اتقفل على كل شي ولا تحب تفتح أماكن التخزين ومعها أحد.
8- تكشخ أحيانا وتتجمل ويوم اللي تتجمل دائما تمدح في عيالها وأنه كل من خيرهم.
9- تبكي بسرعة ويحن قلبها أكثر لما تتذكر أهلها اللي ماتوا أو تسولف عنهم.
10- تبدأ تكثر من الدعاء للي حولها ودائما تقول له (الله يبلغني أشوفك معرس أو عروس)
11- ما تحب صجة الأطفال ولا ترضى أحد يهاوشهم أو يضربهم قدامها وتعصب وتعتبر هذا تضايق منها هي.
12- تبدأ اتخف من الروحة للسوق ودائما تخلي بناتها يشترون لها اللي تبي.
13- تبدأ اتغطي شعرها معظم الوقت واتخش الشعر الأبيض.
14- تبدأ تتابع إذاعة القرآن الكريم، ودائما تستشهد ببعض الأحاديث اللي تسمعها أو المواعظ لصالحها.
15- تفهم أحيانا كلام أو مزح بناتها خطأ وتزعل، وعلى البنات طبعا تفهيمها وإقناعها.
16- أحيانا إذا جاء طاري العمر تقول أنا من كبري بس الشيب (تعني الشعر الأبيض) طلع بدري من الهم.

واللي عنده إضافة على الطرفين يعطينا إياها