أنارافض حكمك حتي الموت
ولا تفتكر راح يجي يوم
وحصدقك بانك نبي
اسمعها مني بصوت جلي
من ارضنا لحد السما
انا بارفضك ...
انا بارفضك ...
اسمعها مني مجلجله
ميكفهاش كل الفضا
ومزلزله
من تحت اقدام حضرتك
واللي جنبك كلهم
انا بارفضك ...
انا بارفضك ...
وان انتهي مني الكلام
بفعل اعداء الكلام
اللي انت عامل ربهم
من ميه سنه
يعدوا انفاس البشر
ويسرقوا
بهيه منك يا ياسين
ويخونوا ادهم كل يوم
ويسلبوا حلم الصبايا بالفرح
ان انتهي مني الكلام بفعلهم
فمافيش قلق
ابني حفظها من زمان
وللامان
حطيت وليدي في التابوت
ورميته فـ الميه
ومسيره يرجعلك فـ يوم
ويسمعك نفس الكلام
انا بارفضك ...
انا بارفضك ...
وللامان
حفظت كل المظلومين
نفس النشيد
راح نرفض حكمك حتي الموت
اسمعها كمان انشالله نموت
كلمني قول انجازك ايه
جوعتني
وقهرتني
وظلمتني
وحرمتني م البسمله
وسرقتوا مني السنبله
وصلبت حلمي بالحياه
وخسرت حربك نص قرن
عايز تكمل نهضتك
كملها ادي مهمتك
واعدم بقيه المعدمين
واصلب بقيه المصلوبين
وبص جنبك من جديد
حتلاقي نفس الكدبين
بيطولولك فـ الامل
ويزينوا شين العمل
والمنتظر......
المنتظر انك ترووووووح
واني اروح
اصحي كل المظلومين
والنعسانين
عشان نحرر ارضنا
ونبني بنايه حمام
يمكن يعود
يمكن يعود
<******>drawGradient()******>