السلام عليكم (ابشركم عقلت)

[سقراط]

هااااااااااي (ترى توي متعلمها)
اليوم ابشخمط في منتداكم لاني اشتقت للشخمطه فيه واشتقت لكم كلبوكم صبيان وصبايا(وعع)
اليوم أبكتب لكم تاريخي فالخيمه (كلينتون على غفله)اذكر اول مره دخلت الخيمه فيها كنت متلطم مهوب من العجاج والغبره لا بس كان برطمي منتفخ ذاك اليوم وجلست ادوج فالمنتديات اطلع من موضوع اخش فاللي بعده (ياشين الواحد لا كان فاضي وما عنده شغل) ومن كثر ما دجت داخ راسي وشفت لي اقرب زوايه وتكيت فيها وطلعت السفن أب من مخباي وجلست اجغم فيه لين راحت على نومه ولا صحاني الا المشرف بعد ما كب عليه طاسة مويه بارده حسبي الله عليه هذا وانا جديد تركني وراح وانا نزلة ثوبي وعلقته على واحد من المواضيع ابغاه ينشف والعالم داخله طالعه واللي في يده باقة ورد واللي معه علبة جلكسي انا ما قهرني الا وحده شايله أندومي وسنتوب ودفتر ابو عشرين (ودي اعرف هالدفتر وش فيه) قلت ياولد شكل اللي هنا مبسوطين وأسجل واطلب ترحيب ولا رد على الا كم واحد قلت ياولد ما عليه توك عضو جديد امسحها في وجهك هالمره واسدح مواضيعك وخش فعيونهم غصب واكتب hewar.khayma.com/cgi-bin/ultimatebb.cgi?ubb=get_topic&f=1&t=000382
hewar.khayma.com/cgi-bin/ultimatebb.cgi?ubb=get_topic&f=1&t=000348
hewar.khayma.com/cgi-bin/ultimatebb.cgi?ubb=get_topic&f=1&t=000398
hewar.khayma.com/cgi-bin/ultimatebb.cgi?ubb=get_topic&f=1&t=000417
hewar.khayma.com/cgi-bin/ultimatebb.cgi?ubb=get_topic&f=1&t=000366
...........ز(ترى مقصودها لا احد يقول ما يعرف يحط نقطه)
مشكلتي ذاك الواحد ان اللي دلني على الخيمه قال ترى الناس هنا ثقيلين خلك مثلهم والا ترى بيعطونك أشكل صراحه انا خفت انكم تعطوني اشكل لاني ما اعرف اصير ثقيل لاني مره حبيت اصير ثقيل وصاروا الناس يقولون شوفو الحمار ذا على باله ثقيل الحين ومن بعدها حلفت اني ما اصير ثقيل فيه ناس شجعوني وفيه ناس عطوني اشكل على قواة خويي بس لاني مؤمن بالمقوله اختلاف الراي لايفسد للود قضيه عطيتهم ركبه وصرت اشارك فالمواضيع وانكت بعد وطلعت موضه جديده فالخيمه وهي المواضيع الساخره والهزليه قررت اني أغير أسمي لذا الاسم اللي تشوفونه قدامكم ونفس اللي حصل مع الاسم الاول حصل مع ذا الاسم بس ابشركم عطيتهم أشكل وصرت افترش موضوع والتحف بالثاني واشغل المكيف الصحراوي وانام مثل نومت اهل الكهف لو يجيني المشرف ويصب علي مية طاسه مويه بارده ما جبت له خبر الواحد يشخر وانواع سنوفنيات بتهوفن حتى انا اللي فالمنتديات الثانيه عزلوا بدري ذيك الليله صراحه الكلام في تاريخي ذو شجون(ترى متعوب عليها)ودي اسأل عن اللي كانوا موجودين بس اخاف انسى احد ثم اروح انا وياه في هوشه
.................
أخباركم كلكم من اللي تزوج ومن اللي مات ومن اللي سقط فالاختبارات تراي ساقط في مادتين بس والدكتور يقول انشاء الله تنجح السنه الجايه حتى انه اوعدني يساعدني بس يقول اهم شي تواظب على الحظور (افلقني ياشيخ)
يالله بااااااااااي(ترى توي متعلمها بعد)
............
SQRAT@HOTMAIL.COM