قصتي مع موعد المستشفى!!

[أطياف الأمل]

انا بحكي لكم قصتي يوم اني فكرت اروح المستشفى اسمعوها الله يخليكم..
==============================
ذاك اليوم كان يوم الخميس طق براسي وطحنت على امي ابي اروح المستشفى..يا بنت وليهالمستشفى؟؟قلت لها طالعه لي حبه في ايدي ومدري وش هي.."حجه"قالت لي جدتي هذي حبه عاديه"دلوعه موسوسه" لا انتوا تقصون علي..ما اصدق الا تودوني المستشفى..قالوا طيب..راحت امي تشوف ابوي مالقته راح يودي سيارته الورشه..يا ولليه ..هذا وقت السياره تخرب الحين؟!!
زين شوفي عمامي !! دورتهم كلهم طالعين..
ما في الا جدي"مسكين شوفوا النصب" جدي حبيبي..هاك مويه..ادلك لك ظهرك؟؟وش تبيني اسوي لك؟؟"جدي فرح وش هالمحبه اللي طايحه على دلوعه مو من العاده"قلت له:جدي..ابي اروح المستشفى..خاف جدي..وش فيك؟؟قال لي..
قلت له:طالعه لي حبه تخررررع في يدي ومدري وش هي..
قال لي طيب انت تدليين المستشفى؟نقزت من الفرحه وقلت:طبعا!!
المهم ركبنا السياره..ومشينا سالفه هنا وسالفه هناك لي ما وصلنا قريب من المستشفى قلت لجدي هذا هو المستشفى قام لف لفه غلط..قلت له لالالالالالالالالالالالالالالالالالالالا م من هنا يا جدي اللفه اللي بعد هذي المهم رجع وثلاث مرات يبي يلف اللفه الصح يلف اللفه الغلط..اعصابي طقت مليون..المهم آخر شي لف اللفه الصح ووقفنا في المواقف نزلنا المستشفى عطيناهم رقم الملف طلعوه لنا..قالوا مين تبون؟قال جدي نبي دكتور جلدي..قال له الرجال:ليه عسى ما شر؟؟قال له:لا ما شر بس بنيتي طالعه لها حبه تخررررررررررررررع وماندري وش هي ..
قال حبه تخرع؟؟قال جدي:اي..قام الرجال"الله يغربل بليسه" نادى الممرضات وقال طوارئ..عاد الممرضات ما صدقوا خبر..
جاوا عندي وخذوني معاهم..اشعه تحليل دم..اذيه ابره من هنا وابره من هناك..ذبحوووووني..
ما خلوا فيني حيل..
قاسوا حرارتي..طلعوها 50....حراره خمسيين؟؟انا مت من الخوف..جابوا لي قوالب ثلج حطوها على راسي..ربطوا ايدي عشان ما اتحرك ..كانهم بينفذون فيني حكم اعدام..تذكروا الحبه قالوا راح نسوي عملية استئصال..قلت وشوا عمليه؟؟لا عمليه ولا هم زايد ابي اروح البيت
قالوا اقعدي يالله بلا دلع يا دلوعه
دخلوني غرفة العمليات وتوهم بيعطوني مخدر..
جا دكتور"الله يطول في عمره"قال شقاعد تسوون؟؟
قالوا عملية استئصال..قال خلوني اشوف..يوم شاف..صرخ وقال:استئصال وعمليه عشان قرصة بعوضه؟؟؟؟؟؟؟؟؟؟؟؟؟؟؟؟؟؟
قرصة بعوضه!!!
بغيت اموت يوم اني سمعت هالسالفه..يعني كل هالتحاليل عشان قرصة بعوضه؟؟
اههههههههههههههههههههههههههههههههههههههه
"هذي صرختي اللي شقت المستشفى"
طلعوا فيني امراض الدنيا وانا ما فيني شي؟؟
طلعت من المستشفى فرحانه"مع ان شكلي يعور القلب من كثر التحاليل والأشعه" وقلت:لا مستشفى بعد اليوم...
=========================================
القصه كانت عباره عن قصه كوميديه ما طلعتها زي اللي في بالي بس يالله ان شاء الله تطلع حلوه وتراهي كذبيه يعني من خيالي لا تصدقون انها حقيقه!!"
دلوعه