شاركوا في انشاء موقع جديد

[سيدي سما بولاندي®]

الفيراج دوت كوم

علاش الفيراج؟
على خاطر الفيراج كان و مازال حتى لدوك منبر للمحقورين و المهمشين يقولوا فيه غضبهم و تعاستهم و فرحهم ...كلش: بوليتيك... لكيا... خالوطه... تمنييك باللكيا ... تشكشوكه سردين بالزمبريطو ... تعمار راس .... الحرب مع لابوليس... ارمي برك .... واحد ماو سالك ....الدخله دخلتوا و الخرجه مين؟ اليوم نهاركم يا كدا و كدا زمان يا الزوالي.
غولي الزوالي ...ياماها ... خالتي ميمونه... الصوري الحراشي .. علي بن حاج .. شريهان ال؟؟؟؟ ...... نسكتو خير
نقولك خو
فيراج دوت كوم هدا هو الاسم ...
جامي تلقى مساحة حرية و اختلاف و تناغم و حرب و ابداع كما الفيراج في الملاعب العاصمية و خاصة بولوغين و الحراش
جامي ننسى الهتافات و الاغاني التي تتهكم على النظام و الجنرالات و تمجد الارهاب و الارهابيين و الزواليا و جميع المهمشين
اول غنيه سمعتها في 87 كت صغير مي نفهم : سلطان بلادنا مصطفى بويعلي
مانقولكش خو ..لابوليس تخرى و تنشر
و هادي آخر غنيه قبل الاعتزال

في بولوغين عادنا فيراج
جيييينا من سوسطارا
نخسروا اليوم ما تفراش
على الخضرا و الحمرا

vive chifoun
كونا يخلونا ساعه
نقطعوا فبابور سلعه
نتهنّى من المجاعه
*****
نتهنى من بلاد زروال
و نسمي روحي ميشال
لا سواري في لاتور ايفيل