رسالة من سجين

[AKHOALSHOAARA]

يا مصر يا أرضنا
مين اللى حكمك يا بلد
بيعذبوا ليه الولد
ويهتكوا عرض البنات وسط البلد
شياطين عبيد للمجرمين
ما يعرفوش أخلاق ودين
بيشربوا الدم الحرام
وياكلوا لحم المسلمين
مفيش حرام فى عرفهم
وما يرحموش المسجونين
وهما اصلا مظلومين
اوعاك تعارض حكمهم
اوتفضح المستور عندهم
يعذبوك ويبهدلوك
ويلعنوا امك وابوك
ويأطعوا جلدك ولحمك
ولو صمدت يعلقوك
وعندهم أدوات كثيرة
مصنوعة فى بلاد أميركا
وكل ساعة يكهربوك
وكمان شوية يجيبوا زوجتك
وعزيز عليك ويهددوك
ويستمتعوا بصراخ وأأأأأه
والدم زينة عندهم
وكل فحش شعارهم
وكل داء الشياطين فى دمهم
ما فيش حرام فى عرفهم
طول عمرهم
لا تقول قانون ولايحزنون
ولا أى حاجة تلمهم
إبليس زعيم الشياطين
ساب الزعامة لحزبهم
ولم جنده وقال لهم
ولوكنا عاوزين نشتغل
لازم نسير على ضربهم
فى كل ركن لهم عيون
وفى كل شبر بلطجى
تجار حشيش ومخدرات
سرقة بنوك وعبارات
أراضى صالحة وشركات
حديد مسلح وتراب بلدنا بالدولار
عاوزين يبيعوا الاهرامات
يخرب بيوتهم أخرونا
ماعدش حاجة عندنا
وديون كثيرة مليارات
كل الشعوب اتقدمت
واحنا بننفخ بلونات
بيكيسوا يابنى الفشار
والبسكويت بئا الف نوع
والف نوع م اللى اسمو اه
وياخدوا اعفه من الضرايب
حتى البطاطا استوردوها
وكل صنعة خربوها
ومفيش زراعة عندنا
اصل المدارس افسدوها
راحت العلوم وراح الادب
وكل عالم طفشوه
وكل جاهل لمعوه
حطو فى اداه الحكومة
ماعدش حاجة ياناس خلاص دول ضيعونه
وأمريكا واقفة جنبهم وتقول لهم
طول ما انتم ماشيين على نهجنا
تبقوا فى أمان من غدرنا

الصبر يابنى واوعاك تسلم
بكره الجحيم حتلمهم