مــــــاسة التيجـــــان

[رهينة شوق]

البسمه اللي شفتها منك تنعاف .. بسمة جروح ما تغطي تعبها
ياغصن ورد في صميم الروا جاف .. بي عنك ذا طبع الحياة ونشبها
يبكي عزيز النفس من مر ما شاف .. ويضحك وضيع النفس ربي كتبها
دنيا تصرفنا على كل محراف .. حتى مشاعرنا نسينا عتبها
يوم ٍ يطل السعد من راس مشراف .. ويجني سعيد الحظ حالي عنبها
ويوم ٍ يهيج الموج من شان مجداف .. لاجله يجي عاني يكسر حطبها
ما كان ظني فيك للحزن ميلاف .. ياللي عيونك ظلها من هدبها
وما دام دمع الشمس عالخد ذراف .. فالنور غاب وحزن عينك حجبها
والله يجيرك من صواديف وخلاف .. يا ماسة التيجان واغلى ذهبها


وسلامتكم
اختكم >>> رهينة شوق