وليشرب نبيذ قصائدي العابرون!

[بندر المحيا]

تكذبين
أنتي ودك تكذبين ..
فكذبتين ..
وقاطعتني! :
أنت عِشق ٍ مرّ في صوتي ببهجة
أنت لهجة
أنت
يابن الصمت مُهجة..
قلت: ويديني على قلبي ياعليا: تكذبين!
وقاطعتني:
أنت شاعر علّم النسيان وش معنى التذكر
أنت سكّر!
أنت تشبه وجه ابوي اللي قبل عامين وافته المنايا..
قبل مايدخل معَ ابواب الحنين
قلت: يمكن!
وساورت دمعه هدبها!
قلت : ممكن؟! :
أختصر كل السنابل والمناديل فيديني؟!
قاطعتني:
أنت ماتدري عن اثنين ٍ مشوا في بحر ليل
غيّبوا مثل الكلام اللي يغيب بشفةّ اللي ساكتين!
قلت:
عادوا؟!
جاوبتني:
عوّدوا ماهم اثنين!
قلت: ويـنـ....
وقاطعتني:
ياحبيبي أنت واحد من ثنين..
واركضت مثل الطهارة في خفوق امي، وانااا اندهـ:
يا يا ياعليا
أرجعي لي ..
أرجعيني!
أرحلي بي ..
أرحيلني ..
علّميني كيف كان ابوك يشبهني وانا رجل ٍ حزين ..