هـدايـــا مـغـلفـة للجـــمــيــع !!!!

[*سهيل*اليماني*]

المشاركة الأصلية بواسطة على رسلك

...إذا هما إثنان..عندما أدفع عمري ودمي

فلابد يكون شعوري أنه روحي في جسدي....


واتمنى أن يكون تجمع الأحبه عندي كالفراش حول الزهر .

هديتي أيتها النبطيه العنود.هو تشرفيك لي وكلماتك الرقيقة

...(لك أعذب التحايا) ..

العنود النبطية .. وكل التحايا .. من الالف .. الى اليا .. وماتحويه .. من مهد الحياة .. الى نهد الحيا .. وتبقى .. ء .. مصونة .. كالنجوم تضي .. الفضا .. واللآلي .. في كف السما .. واغلى الهدايا .. واعذب التحية .. واعتق وصف بشعر قطري .. لتوأم الروح .. بضيافة اهله ..

ما سمح قلبي يروح ولا يرى

زول محبوبه ولو هو من بعيد

اه واويلاه ياليته درى

كيف حبه في حشا روحي يزيد

او درى أني منه قد حالي برى

ذايب بالي عقب ما هو حديد

وان من الابعاد موحي المقبرى

يحفرونه لي وموقن بالوعيد

يالزيمي قول للي يحفرا

ويوسع الملحد علشان اللحيد

ويحجز بيني وما بين الثرى

عن عظام ناحلات كالجريد

وانت يادفان ياللي تقبرا

يامهيل التراب بالسرعه مجيد

حط من فوق القبر حتى يرى

بنيتين كالنصايب له شهيد

يعرفون القبر من جا ينظرا

يعرفونه قبر مذبوح الوديد

قبر من صان المودة واسترا

قبر من لا خان عهد للعهيد

من صبر للحب حتى بترا

زرع قلبه واودعه حب حصيد

تم عامين بجوفي ينسرا

نسر ملهوف الضواري في المصيد

كود ليمن جاه علمي يذكرا

وانعتوا قبري لمعلوقي وكيد

ياتي لقبري ويذكر ما جرى

يوم خلاني وسط قبري وحيد

وان سمح الدمع ودي ينثرا

فوق قبري عبرة مثل الوليد

اه منه لين صد ودبرا

رايح عني وخلاني فريد

كيف قلبه ساعته ثم اصبرا

كيف رجله له مشت فوق الصعيد

والذي هو غادي دونه ذرا

فدوه عن كل من جاله ضديد

كيف أجل لو مات وانا ارى

كان طريت السلب طر العنيد

واحترقت وكان قلبي قد وري

شب نار كنها نار الوعيد

تحتطم وسط الضمير وتسعرا

ما يبردها لو الثلج الجميد

ثم تلقاني على روس الذرى

نايح مع كل قمري يشيد

لين غرد طال نوحي واطهرا

وان هجع جريت انا نوحي سهيد

وانهمل وانهل دمعي وامطرا

مقلتين العين وادعاها هميد

ما هقا اني عقب موته في الورى

عايش والا وانا مثله فقيد