قمة الإحراج / منقول كما هو .

[عربي سعودي]

أذكر أول يوم لي في الجامعة .. جيت مبكر مرة حوالي الساعة 7 الصبح و حتى الموظفين ما وصلوا و لا حتى أي طالب و لا حتى العمال

و كنت أنا أول واحد يوصل الجامعة (من زود الشطارة) و كانت المواقف فاضية و لبقت في أي مكان و نزلت و رحت للكلية و انتظرت الموظفين و أدور بين المكاتب اللي تدوخ الراس من كثرتها لأنها تضيع .. عشان أطلع جدولي و أشوف وش القصة و وش أبدرس

بالنهاية يوم طلعت , و كانت الساعة حوالي 9:30 , مسكت راسي و أنا أشوف قدامي آلاف السيارات و ما أدري وين حطيت سيارتي فيه و قعدت أمسك السيارات صف صف لوقت طويل حوالي ساعة أو أكثر أدورها بس ما لقيتها و شافني أحد أخوياي و هو طالع و قلت له السالفة و طلبت مساعدته و ضحك علي إلين قال بس

قعدنا ندور في المواقف و ما لقينا سيارتي إلا الساعة 11 و زيادة و يوم لقيتها انبسطت و بغيت أطير من الفرح ما صدقت إني لقيتها بعد ما لفيت آلاف السيارات و مشيت أكثر من ساعة تحت الشمس