تكفا ترى تكفا تهزّ الرجاجيـل ..!!!

[الوافـــــي]

تكفا ترى تكفا تهزّ الرجاجيـل

هذا الشطر جزء من بيت مشهور
وهو من أكثر القصائد التي كثر اللغط حولها وتداولها بعض الشعراء في بعض قصائدهم ونسبوها لهم
والحقيقة تقال إنها للشاعر : محمد الدحيمي الشهري
المعروف بــ (أخو تكفى)

والقصيدة هي


اما لطمنا العيل والا الطم العيل ... مادام شـــبْ النــار مندوب الاطفا
من ذاق حر القايله يعشق الليل ... ومن شبْ ضــــوه ليلة البرد يدفـا
امســيت في جيلٍ ولاهوب ذالجيل ... واصبحت والا ديرتي شــــبه منفـا
واللي حما بيته بطيـرن ابابيــــل ... ماجيت ادور كل من صــــد وقفــا
ولاجيت ابشـــحذ يانما دلّه وهيل ... جيتك وجــرح الظلم غاديه يشـفا
جيتك بكلمه كنها صعقة الويــــل ... ان قــــلت تكفا لاتهـاون بتكفـــــــا
تكفا تراهـــا كلمةٍ تقطـــم الحيـل ... لابالله الا تنسـف الحيـــــــل نسـفـا
تكفا ترا تكفا لها هـــــدرة السيـل ... في صدر حرٍ ينتف الطيب نتـفــــا
تكفا ترا تكفا لهــــا تسّرج الخيـل ... ان كان لك في مجمع الخيل عسفا
تكفا تراني من قرومٍ مشــــاكيـل ... حمّاية الســـــاقه بسيـفٍ وشـلفـا
تكفا وتكفا ماتسـاق لمهابيـــــــــل ... تكفا تخلّي القــرم لاشٍ وهطفــا
تكفا ترى تكفا تهزّ الرجــــــاجيـل ... لولا صـــروف الوقـت ماقلت تكفا

تحياتي