{ قصـــايد أعجبتني }

[الوافـــــي]

للروح غذاء

أنا ما عيش معك الحب ، أعيش الحب كله فيك ... أنا وان كنت عنك بعيد ، لكن معك واحيا بك
تعيش بكل احساسي وتفكيري واعيش اغليك ... تحسد الحب لو تسمع حديث الروح بغيابك
تزاحم في الخفوق قلوب يسري نبضها بيديك ... أنا كيف اختصر فيك الشعور بحضرة احبابك
سكنت ارض الغياب وكل سيرة للوفا ترويك ... عيونك موطن وغربة ، عيونك موطن اغرابك
أحبك لو تسافر بي على درب التعب وامشيك ... حبيبي في زمان البعد قلبي أصدق اصحابك
أحبك جرح ما يبرى عسى بعض الألم يرضيك ... ولوّن بالرضا عيني واسيّل دمعة عتابك
حبيبي في ظلام الشوق كل النور ما يضويك ...أنا صفحاتك البيضا وانا اصدق حرف بكتابك
فرشت العمر لأيامك أسابق ليلتي وآجيك ... وعرفت ان الغلا خطوة وانا واقف على بابك
جفون الغيم لو تمطر دريت ان الثرى ضاميك ... ودريت اني بلا موعد ، زرعت الحلم بأهدابك

سعد آل سعود