ماذا تفعل لو أتيحت لك الفرصة لتصبح وزير التعليم .........?!

[نجمة الشرق]

:: [ ]أظن أن السؤال قد يكون صعب جدا ، ولكن أنا بأسأل عن أولوياتك لما تبقى وزير التعليم وانا عندي أولويات كتير، صراحة التعليم مش نافع بالمنظر ده أنا أولوياتي هتبدأ بالتعليم الابتدائي و بالمدرسين بتوعه . أولا هأزود راتب المعلم للضعف علشان نحفزه أنه يشتغل
و في كمان حاجة ، المدرس لما بيبقى عارف أنه كده كده اشتغل أو ما اشتغلش بيأخد مرتب ، علشان كده لازم نشيل الفكره دي من دماغه نهائي و يبقى الجزاء من جنس العمل بحيث أن مدير المدرسة يشوف مين المدرس اللي اشتغل ومين المدرس اللي ما اشتغلش ده طبعا يبقى مرور يومي من المدير على المدرس والمدرس اللي اشتغل يأخد مرتبه و عليه حوافز كمان وبكده المدرس لازم يشرح للطلبة و يفهمهم كمان ده بالنسبة لمدرس الابتدائي ، بالنسبة للطفل أنا رأيي نبدأتعليم الانجليزي من أول سنة اولى بس نطق بس والكتابه يبدأتعليمها من أول سنة 3 ابتدائي و ماده الحاسب الالي لازم تتطور شوية و يبقالها حصتين أو ثلاثة في الاسبوع و يبقالها مدرسين خاصين ليها بحيث أن الطفل لما يخلص 4 ابتدائي يكون عارف البرامج اللي على الجهاز كلها ويبدأبعد كده يتعلم عن النت و هكذا . ولازم طبعا نطور المناهج شوية أنتوا عارفين أن الكواكب بقوا 8 كواكب بس بس في التعليم المصري هيفضلوا 9كواكب برده ؟؟؟؟؟؟؟؟؟؟؟؟؟؟؟؟؟؟؟ مش عارفة أضحك ولا أبكي والله ده شئ لا يصدق .
المناهج ما بتتغيرش خالص وما بتتطورش بقالها حوالي أكتر من 20 سنة هي هي ، الله يسامحهم ويوفقنا يارب بالنسبة للاعدادي ، أنا مش عارفه والله النظام في الاعدادي ماشي ازاي زي مايكون في حظيرة ، والله بجد كل واحد ماشي يطبش وخلاص . الطلبة في الاعدادي يا عيني عليهم متبهدلين بهدله ، أولا أنا عايزه أعرف الرسم ده موهبه صح ؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ازاي يضاف للمجموع ويسيبوا الدين والحاسب أنا رأيي الدين والحاسب أول مادتين لازم يدرسوا صح ويضافوا برده .أمال احنا هنعمل جيل اسلامي ازاي لو ما بنهتمش بالدين
وازاي هنتطور لو ما بنهتمش بالحاسب . وطبعا لابد من تطوير المناهج و تطوير المدرسين . وده هيتم لو التعليم الجامعي كان مظبوط .
بالنسبة للمرحله الثانويه أنا بأقترح أنها تكون منتهية وأن دخول الجامعة يكون وفق اختبارات نفسية وعلمية . وعلى الاساس ده الجامعات مش هتبقى لامة طبعا هتبقى واخده المفيد بس و تخرج المفيد بس.

بالنسبة للامتحانات : لازم تكون في مستوى الطالب المتوسط والمراقبين يبقوا شداد على اللجان مش ألاقي المراقب قاعديتكلم مع المراقبه وعمالين يحبوا في بعض واحنا مش عارفين نركز في الامتحان . والوقت يبقى كاف جدا للطاليب مش رئيس الدور أو المراقب يأخد الورقه قبلها بنصف ساعة بحالها .
على فكره أنا مش ضد الضرب والعقاب بس العقاب ده يكون بعقل مش بهبل مش نخرق عين واحد يعني أو نكسر له ذراعه .

New1

والله ولي التوفيق