{ قصـــايد أعجبتني }

[نور الحياة]

حكــايـــــــــــة مـــحزنــــــــة


على كثر القلوب اللي أحبها ما بكى لي قلب
على كثر الشعور اللي ذرفته ما بقى إحساس

مشاعر من قسا وقتي قست ع العاشق اللي حَب
أسمّمها عباراتي وأسقيه المَرار بكاس

قفلته بابي اللي كان وعِفته والخَيار اصعب
وأهدم ما انبنى بيني وبينه من عروق الساس

وكلٍ عاتبه قلبي..وقلبي ما هَوى يعتب
ونومي حاربه جفني وعاشق حرّة الأنفاس

وكلٍ سارح بليلاه يغني بالهوى يطرب
تناسوا حالة المنسي..قصيده عافها الجلاّس

تخطيت الحدود بخوف وقلت من الهوى بشرب
أثاري الموت واعدني لمحته في حضن هالياس

أغني والغِنا لعبه وانا ما لي بأصول اللعب
أثاري غِنوِتي ونّه لبسها الشك والوسواس

وشمسي اللي تواسيني غدرها الشرق والمغرب
وصاير حالها مثلي وطاحت من عيون الناس

سنين اشرب معاناتي سنين ابعد سنين اقرب
سنين اشرب مسافاتي ودربٍ ما ارتضى ينداس

كفايه يا زمن يكفي أخاف مْن الهوى تتعب
وأنا مهما تعاتبني محال اني أوطي الراس

عرفت إن الهوى كذبه..يجاري من هوى يكذب
وصدق العاطفه تكشف..تيبّن يا حجر أو ماس

مجانين العشق تَوْنا عرفنا الحب ما له طِب
ومن حيرة مشاعرنا صفقنا اخماسٍ فـ أسداس

أداري دمعتي واخنق صهيلي وانزوي واكتب
مشاعر عايشت حلمي بقلب العاشق الحساس

ليالي ما بقى فيها سوى جمرٍ فـ قلبي شب
حرق غصن العمر واصبح مثل ذيك الغصون يباس

على كفّ القدر صارت حياتي والرياح تهب
حكايه محزنه يلعب بطولتها الشجر والفاس

وجوه اقسا من القسوه تغطي فرحتي وتسلب
ترا موت الضمير اهوَن عذابه ما يحدّه قياس

خلاص اشتاقت الرحله تحط رْحالها وتغرب
أحس اني بهالعالم فصيله غير هالأجناس

عرفت إن القريب اصبح غريب وبالأصل عقرب
وهذي مشكلة وقتي..طعوني من أعز الناس

.. نسايم الساده..