الوصية

[الوافر]

وش اكتب بالجـريح اللي يودع اخر ايامــه

====== وش اكتب بالعذاب اللي عصر عودي وعيداني

وش اكتب بالمشاهد والصور والموت واسهامــه

====== صور عمري مع عيالي وهـــذي صورة اخواني

وش اكتب بالقصيد اللي قضى جرحي على الهامه

====== توقف والسوالف وقفت فـي صـــدري الحاني

وش اكتب بالشباب اللي رحل ما حقق احــــلامه

====== قصر حظي عن الطولات وضاع العـــمر مجاني

وش اكتب بالعذاب المر وصــبر ايوب والامـــه

=== على اللي ضاع من عمري على التفريط بازماني

وش اكتب والوصــيه تعـلن المشـــوار وختامه

====== ابكتب سطرها الأول وخايف مالحق الثانــي

ورقها طــــاح وتفتت وقامت تلعـــب القامه

====== تغير كل شــــي بي نقص وزني ومـــيزاني

هذاماهــو انا ولا هــذي الهامـه هي الهامه

====== ولا هذا اللسان اللي نطق هو نفسه لسـاني

دمــوع تزدحــم واوجاع تنخــر جسمي وعظامه

====== وحتى الماء وهو بارد توهـج نار باغصاني

وانااللي كنت بالمضمار انال الفوز وارقامه

====== الا واحــر قلبي كيف يسرج عقبي حصـــاني

انا من اليوم تايـب والفطـين يصحــح اسلامه

====== عـن الزله بحق الله وحق القاصــي والداني



مارد الشعر الشعبي بمنطقة الجوف /عبدالرحمن بن دابس المرخان

[ 31-08-2001: المشاركة عدلت بواسطة: الوافر ]