آآآآه ه ه اخيـرا قتلت الوحـش ***

[كاشخ ومشخص]

ياجماعة الخير فية احـد منكم يعرف يفســر الحلــم ؟

هذا لي كم يوم احلم بذاك الوحش اللي يجلس يطارد فيني وما اعرف انــام حاولت اكثر من مرة وقريت المعوذات لكن برضة يجي ابن اللذين/ ليه ؟ اظن ان فيه شي غريب ولد جيراننـا توه متخرج من الجامعة دور على وظيفة مالقى وبعدين قال ابروح لابها ديرتهم قاله ولد خالتة / ولد خالته هذا عمرة 21 سنة يقرب لولد جيراننا الثانين عندهم سواق اندينوسي (( كذا تنكتب اندينوسي؟ ) بدون اقامة قالوا نبي نطلع له اقامة علشان نجيب زوجتة تصير خادمه عندنا راحوا للجوازات ( اللي ماعنده اقامة فز قلبه )) لقوا عسكري وقالوله السالفة زوجة العسكري حامل الله يدفع البـلا وزوجتة هذي كل ماجابت ولد مات انا لله وانا اليه راجعون جو للي جنبة وقالوله السالفة سالفة السواق وزوجتة قالهم انا عندي عمي يبي سواق وشغاله ماتعرفون لنا مكتب يجيبهم وصفوله المكتب يوم راح لقى عند راعي المكتب زبون توه جاي من المستشفى تدرون ليش ؟ لان وحده بالحارة عندهم تبي تسوي عمليه اللوز المشكله البنت هذي كل يوم يجيها اللوز بنت عمتها تدرس بالكليه (( اي كليه ؟ )) كل ماتروح للكليه يبون منها طلبات غريبة يوم بحث ويوم وسيله امها لها بنت خاله هذي توفت من 3 سنين كان عندها ولد الولد هذا يبي يشري سيارة كل يوم يروح للمعارض يدور له على سيارة المهم صدفة تقابل مع واحد بالمعارض هذا الشخص اللي بالمعارض عمة سافر سياحة لمصر وشاف مسرحية عادل امام ويمدحها ويقول او الله مسرحيه عادل امام هذا تعرفونة ممثل ما مثله

وين رحنا يالربع وين سالفة الوحش ؟
اووووه كسلان امسـح الكلام اللي قلتة .....