أي لا تستغربوا صحيح انو هو في واحد بس بيبدى كل تعليق من تعلياقاتو بهل الموال بس انا انسان معي انفصام شخصية مشان هيك قررت أنو أنو أبدأ حديثي متل ما هو بيبلش حكيو....
أي نعم انا ما اختلفت معكن هو انسان كتير ظريف وحبوب ودمو خفيف بس ما بعرف ليش هيك عمر مطر أفندي أو المشرف أفندي عم بيعاملو .......؟
يعني الأمر بسيط جدا وما بدو كل هل التعقيد ومشان تفهموني اكتر انا رايح اقلكون قصة كتير حلوة ويمكن تنفعكون بمستقبلكون .
من زمان انا دخلت على هل الخيمة وكنت متل ما هلأ عم بتشوفوا عضو جديد ثم وبقدرة قادر تحولت الى عضو فعال ، في تلك الأثناء حدث انقلاب جذري في الخيمة فصرت وتداً اي صدقوني صرت وتد الخيمة وكان كل واحد عم بيباركلي وعم بيقلي ايمتى بدك تصير عمود خيمة ، ولكن لم يكن هذا الأنقلاب ليدوم طويلا فرجعت عضوا فعال ......!
ومضت ايام وجاءت ايام ثم عيننوي بمنصب اعلى ( المنصب سر مارايح اقولو لحدا خايف من العين والحسد ).
وفي ليلة ليلاء قررت الدخول لأشاهد بعض المواضيع وأرد على اخرى واذا بالموقع يقول لي لست معرفا يرجى التسجيل ، قلتلو معقول وهل يخفى القمر انا فلان الفلاني ، بس للأسف مارضي يرد علي جربت اكتب كلمة السر واسم المستخدم فكان عم بيقلي لأ انت غلطان .
وبلحظة رضا قال لي الموقع اذا اردت اي مساعدة فأضغط هنا ، وعملت متل ماقلي طلب ادخل عنواني البريدي فسجلتو فبعتلي انت اسمك عربي وكلمة السر تبعيتك ؟؟؟؟
قلت يازلمة اي انا عربي بس مو هيك اسمي فأصر انو هيدا اسمي.
ومن حينها استنتجت انو المشرف أفندي وعمر مطر باشا قررو انو ما يخلوني اشارك فقرروا يخلوني انسحب بطريقة لبقة ، شكرا ايها المشرف شكرا ياعمر مطر أفندي.
أرجو أن تقرأ الرسالة التي بعثتها لك في بريدك الخاص.
عندما راجعت تسجيلك باسم لينكس وجدت عنوانك الإلكتروني المسجل كالتالي (مع إخفاء الجزء الأول منه): hotmai.com وأعتقد أن عنوانك الحقيقي هو في خدمة hotmail.com ولعلك قد حاولت تغيير كلمة السر أو إحدى المعلومات الشخصية فبعث لك الخادم بكلمة سر جديدة على العنوان المسجل، وهو العنوان الخاطئ، ولذلك فإنها لم تصلك.
على كل، لقد بعثت لك كلمة السر على عنوان hotmail ونظرت في معلوماتك فوجدت أنك لست ممنوعا من دخول الخيمة، فأرجو أن تحاول الدخول بكلمة السر التي وصلتك على البريد الإلكتروني.