مين اللى قال يابنت درويش الكبير..
إن اللى يومينه انقضوا..
ماباع ولا حتى اشترى..
مين اللى قالك إن نبوت الغفير..
اللى فى ايده..
مانكسر أو ماانتنى..
يابنتى ده مات من الصويت..
م الهم..من الضرب المميت..
مات قبل مايموت ألف مرة م الألم..
مرة انعزق مرة انشتم..
من كتر ما القلب انظلم..
عمره انسرق..
عقله اتخنق..
والدمع صار كلمة فى ورق..
ولاحد عزى فى دفنته..
غير واحدة بس ..
حتحصله ..فى الألف حبس..
تكتب على قبره قصيدة بتنجلد..
عنوانها آه...
صرخة بلد..
آخر تعديل بواسطة راضية ، 19-12-2002 الساعة 02:55 AM.
|