{ قصـــايد أعجبتني }

[غــيــث]

إهداء الى الجميع..

تحياتي..

[كرامـ CaRaMiLlA ـيلا]

صحيح إن السحــاب .. انتــي


********
صحيح إن السحاب ... انتي
و أعشاب الربيع ... انتي
و أجمل من على هذا التراب ... انتي
.. وفي عز الليل لو بنتي..
يطير الصبح..من كف الربى عصفور
ولكن الليالي تدور..
كفاك ... غرور

سقاني صوتك البارح .. مرار الحزن والترحال
صحيح ان البحر مالح ... ولكن العطش قتّال
سألتك يا ظماي...أمطار
سألتك عن هواي ..أخبار
سألتك كلمتين أعذار...ولكن ما تعذرتي
وحقك لو تكبرتي..

صحيح ان السحاب ... انتي
و اعشاب الربيع ... انتي
و اجمل من على هذا التراب ... انتي

أنا جرح... وحنين وهمس...
و قلب ينبض بصدري
ولا ادري من حبيبي .. الشمس
ولا ودي بعد أدري
يكفيني دفا انسان
يشاركني فرح و أحزان
ونورك في السما لو بان
اشوفه ..مثل كل الناس
و احسه..مثل كل الناس

صحيح ان السحاب ... انتي
و اعشاب الربيع ... انتي
و اجمل من على هذا التراب ... انتي
.. وفي عز الليل لو بنتي..
يطير الصبح..من كف الربى عصفور
ولكن الليالي تدور..
كفاك ... غرور

********

تحيتــي

[نور الحياة]

هـــــــــــــــــــــــــــــلا بــــــك

هلا بك كثر مارحتي واحرقتي كثير قلوب
وهلابك كثر ماجيتي وفتحتي كل ابوابي

دخلتي مع وريد الدم وصار الدم فيك يذوب
وتوزعتي على كلي وصرتي كل احبابي

ترى ذنبي مهو ذنبي انا عندي كثير ذنوب
ادور للفرح بسمه تلوّن بأسمها كتابي

ولقيتك ترسمين الحب لوحه تبتدي بغروب
كيف ألقاك؟ أوصلك وغروب الحب بغيابي

وجودي والأمل قصة شعور الحب والمحبوب
أحيى به وأشعر به ويشعر بي ويحيى بي

تعاهدنا بدون اسباب نقطع دربنا المكتوب
وقضينا وقتنا نحلم بأسبابه واسبابي

خيالي معظمه واقع والواقع انا المغلوب
فديت الحب , وأيامه بتعذرني عن عتابي


للشاعر :: مناحي المقنع

[الوافـــــي]

قصيدة كتبتها ( بنت )

شنبك اللي تفاخربه..ترى اللي جابته حرمـه

تصيح تقول يا ( حرمه )،تحسب إنك تعايرني!! ... شنبك اللي تفاخربه..ترى اللي جابته حرمـه
تصدق كذبتك دايم ،، مبادئ حيـل تقهرنـي ... (نقص عقلك مع دينك)،،ترى مليت هالكلمـه
ياجاهل فتح عيونك..ياويلك لو تصاغرنـي ... غضب،،تهديد،،وإستلمّه..وسمّه اللي تبي سمّه
أنا مليت من ظلمك يا(آدم) وش تصورني!! ... أذا إني ناقصه بعينك،،وداعي منتهي الحكمه
تراني ساكته بكيفي ،، نصيحـه لاتفجرنـي ... غضب شيطان ماميز ،،مابين الخال والعمـه
عيوبي طيبتي وقلبي..حنان وشوق يجبرنـي ... علي عكسك تجي قاسي وكلن راضي بسلمه
حسافه وقتي الفايت،،تذكّـر يـوم تِسهِرنـي ... علي قولة انا عاشق وحبك صابنـي سهمّـه
تذكّر يوم لي تركض ،، تقول يازين آمرنـي ... علي سنة رسول الله أشيل الحمـل وآزمّـه
فرحت وقلت هذا اللي أبي في ظلّه يسترنـي ... اذا ضاقت بي الدنيا،، مسح دمعاتـي بكمـه
ابي انسى به الدنيا وابي بالحـب يشعرنـي ... ابيه يكون لي فرحـه اذا زاد الزمـن همـه
لكن للاسف غلطه وهـم كـذاب ساورنـي ... جزاتي والثمن عمري..وقتلت بخافقي حلمـه

الشاعرة / شقاوية

مع إنها صدقت في كل حرف
لكن " اللهم حوالينا ولا علينا "

[الوردة الندية]

( المدينة و الغريب )


جاء يشوف الحال كيفه بعد ما هزه حنينـه
وقبل يسألني سألته كيف حالـك يالحبيـب

قال أنا كني غريبٍ ضيّـع أدروب المدينـه
قلت أنا كني مدينه تنتظر رجعـة غريـب

قال اجل وش فيك تكره سيرة الحب وسنينه
قلت اجل وشلون ما اكره سيرته دامك تغيب

أنت لامن غبت حتى مرايتك صارت حزينه
كيف ما تبغاني احزن وانت لي حظ ونصيب

الهدايـا والرسايـل والمكاتيـب الثميـنـه
والليالي والقمر والريـح والكـون الرحيـب

كل ما تبعد تجيب ليّه الشعـر مـن يدينـه
وتقعد جروحي تودي فـالطواريق وتجيـب

يابعد كل القصيـد ونـزوة إحـداه وأنينـه
لاذكرتك لاح بيت وطاح ورد وفاح طيـب

وان نسيتك مانساني صوتك المبحوح لينـه
ياخذ لجرحي بثاره من خطايـاك ويطيـب

وبعد هذا جاي ترمي ذنبك بوجـه المدينـه
ما دريت إن المدينه كلهـا شمعـة غريـب


للشاعر/ فهد المساعد

[نور الحياة]

غــــــــــاليـــــــــة

مشاري


قــالت اكتب فيني بيت من شعــــر
لأجل تشرحلي ، ترجملي غـــــلاي

قــلت ما يكفي لــو بكتب لك بحــــر
( غالية )اسمك ورسمك في حشاي

انتي شوقــي وانتي ذوقي لا حضــر
وانتي قـــمره عـــاليه تنور سمــــاي

لــكن اهيامي تــعب منه السطــــــر
والله ان حـــبك سكن بقصى حنــــاي

ايـــه احــــبك على طــول العمــــــر
وتنقص افــــراحي اذا منتي مـــعاي

يـــاغــــــلاتي يــا بساتين الزهـــــر
يــــاورود الحـــب كيف اروي ضماي

كثر مـــاشـــافت عيونــــي بالنظــــر
غير وجـــهك ماأظن يرضي هـــواي

كـــــل مـــاتطلب تــــرى عندي امــر
غـــــالية واللــــي تبينه هــــو مــناي

[الوردة الندية]

أنا إنســـــــــــــــــــان

أنا إنسان مع نفسي قبل لا اكون معك إنسان
لـي مبـدأ ولـي نظـرة تحكمني قناعـاتي

أحاسيسي حقيقـه ثابته بالوصل والهجران
أنا طبعي اذا حبيت .. أحب بكل حـالاتي

منادي والندا نابع من الوجدان للوجدان
إذا ما ينطق احساسي حديثي يشبه سكاتي

غموضي في الهوا تصريح وسره يفضح الكتمان
ونظـرات الوله والوجد هي أجمل عبـاراتي

ولا اجامل باحاسيسي ولا اقبل في الهوى احسان
ولا للمصـلحـه يـا سيـدي دور بعـلاقـاتي

ولو ألغي شعوري ما بقى لي صاحب ولا خـلاّن
يرافـقني على مر الزمـن جرحـي ودمعـاتي

أحب الصدق واعمل به كسبت أو كنت أنا الخسران
ولـو صـدقـي يخسّـرني تشـرّفنـي خسـاراتي

رفيق العمر لو تجفـا نبض الحرف والشريان
إذا ما غصت باعماقي .. متى تفهم معانـاتي

على كثر الخطا غافر ولا اغفر غلطة الخوّان
جزاه الصدّ والفرقا ولو عاندت رغبـاتي

ولولا العفو ما اخطينا ولا نحيا بلا غفران
خطايانا دليل إنّا بشر ومنّا الخطا ذاتي

على صدر الزمن بكتب شعوري موعد وعنوان
تعرف الشـوق لو فـتّـشت عن سر ابتسامـاتي

اذا كان الهوى نعمة بحطّك نعمة الرحمن
واذا كان الهوى غلطة بحطّك كل غلطاتي

الأمير الشاعر سعد آل سعود