يا عمر انت وعدتني ويش نيتك
ويش نيتك
يا اللي زرعت بخافقي جرح فرقاك
وأنا بدمي وبدموعي سقيتـــــه
…
حتى نمـا وأثمر سكاكين وأشـواك
جـرح زرعته بي وجرح جنيتــه
…
وش عاد يا الغالي ومثلك وشـرواك
ترخـص له الأرواح والبيت بيتــه
…
حي الجروح اللي من أسباب يمنـاك
وحي العذاب اللي مـن أجلك لقيتـه
…
تستأهل القلب اللي يسعـد بلقــاك
وأستأهل أحظى بالوفا اللـي وفيتـه
…
لكـن سألتك يا عيسى عمري فـداك
يا دربي اللي غصب عنـي مشيتـه
…
وش نيتك في اللي يحبك و يهــواك
باقي على ذكـراه وإلا نسيتــــه
|