مــــــــــــــواقـــــــــــــــف مــــــــحـــــــــــرجــــــــــة

[حمد]

بسم الله الرحمن الرحبم
مره دخلت البقاله وكان فيه هندي معه جوال قلت : أخس هندي ومعه
جوال 0 طالعبي مستغرب ، قال : سم !!
انا فركتها ناداني وقال : تحسبني هندي 0 قلت : معليش 0 قال :
لا عاااااااادي متعود ، بس لاتنسى تسلملي على أخووووووك خالد

********* اللي عنده موقف يكتبه بس لا يكون من ربع اخوي خالد***


وشكراً

[سامية51]

كان فيه سيارة عائله واقفه تنتظر السواق الي ارسلوه للبقاله يجيب اغراض وفي نفس الوقت كان فيه واحد(لصقه) يناظر الي في السيارة وطبعا كان كاشخ ومنشي رقبته مع شماغه وماشي رافع طرف ثوبه (مسوي دعايه لسراويل السنه)وفي يده علبة بيبسي فاضيه وكان يبي يروح يرميها في (حاوية المهملات)الصفراء الكبيره...
وطبعا ماش واثق الخطوة يمشي ملكا وبحركه استعراضيه زي لعيبة السلة رمى علبة البيبسي وفي هذه اللحظه طلع من الزباله بشكة بساس(قطاوه)وياليتكم شفتوا شكله وهو مرتاع......

[حمد]

اشوف محد مافي تفاعل مع الموضوع طيب امسكو هالموقف :
تقول احداهن خرجت من المدرسه مسرعه وكنت متعبه جدا ركبت
سياره اخي وانا الهث ثم اسنت ظهري وقلت : اليوم والله حر
وعندما لم اسمع جوابا التفت الى يساري
**************** كارثه في الظهيره***********
انها ليست سياره اخي !!!!!!!!!!!!!!!

[حمد]

ويقول اهدهم :
كنا في احد المجالس ،وكان بيننا رجل يخاف من زوجته ولا يخالف لها مطلباً0فيذلك اليوم كان صاحبنا قد تغدا مع زوجته وكان الخبز الذي وضعته الزوجه غير ناضج ونصفه عجين مما جعل صاحبنا يشعر بانه في هذه المره يجب ان يصبح من الذين يغضبون،فقال بذبذبه مقدارها 250 كيلو هيرتز:ماهذا الخبز 0 فأدارت زوجته محاجرها وردت بذبذبه مقدارها 2500 ميجاهيرتز : ايش المشكله ؟! على الفور وبدون تردد فضل المسكين ان يسلك طريق السلامه فقال بصوت خافت : لاشئ 0 اثناء جلوسه معنا كان شارد الذهن مستغرقاً يفكر في قصه الخبز والغداء ومن غمرة افكاره صاح بين الرجال فجأه وبدون مقدمات :المشكله ان خبزك عــجــيــن 00 قال ايش المشكله قال00!!
*********** شاركونا بمواقفكم ***********

[المنشق]

مرحبااااا....

بسم الله ....استلموا:

فيه موقف محرج صار لي كتبته بموضوعي (اسولف مع نفسي) بس بعيده لكم ...

مره كنت بالقاهرة(للقراوه اللي مايعرفونهاتراها عاصمة نيروبي)
ورحت بحضر حفله لخالد عبدالرحمن ..ولبست احلى بدله عندي
(اصلا ماعندي غيرها بس بكشخ عليكم)وجلست بالصاله وبعد شوي اعلنوا ان خالد ماهو طالع يغني ...واللي يبي فلوسه ينزل تحت للمكتب ويرجعها(اصلا لازم اخذها لاني متسلفها)..المهم نزلت اخذ الفلوس ... الموقف المحرج عاد ...:
بعد شهر تقريبا كتبت مجلة الرياضه والشباب عن الحفله وسبب الغائها والمشاكل اللي حصلت فيها ...ومن قرادة حظي انهم ماحطوا الا صوره وحده بس بالموضوع والصوره هذي مصورينها عند مكتب التذاكر والزحمه اللي كانت فيه .. اخوكم بالله طالع بالصوره اوضح واحد فيهم وجنبي وحده (لابسه من غير هدوم)
يعني لو ماعليها شي استر لها...ولازقه فيني مررره ..اللي يشوفها يحلف بالله انها معي ....وطبعا المجله كل خوياي وكل اهلي متابعينها وماودي اقولكم وش صار بعدها ..........
______________________________________

الباركينق الثاني اعتقد انه بنفس السماط اقصد السفره ماني متأكد والله ..

جالس انا والشباب على البرتسة اللي بالفندق قبل المغرب وزحمممه
(للقراوه يعني المسبح) ..قام واحد من الشباب ووده يسبح بس انه خايف من المويه باااااردة مرره ... وانا ماكان لي نيه اسبح لاني مااعرف اصلا...وكنت لابس قميص وبنطلون .. من لقافتي قمت بدف خويي بالمسبح وكفشني قبل ماادفه ويبي يمسكني ويرميني بالمسبح وانا انحشت عنه ويركض وراي وانا منحاش واطالع فيه ..شوي الاني طاب بمسبح الاطفال يووووووووووووه والله ياهي فشيله ..حتى كان فيه بزر من اللي يسبحون سعودي .. قالي( ياخي والله يانت قروي وراك طاب بملابسك ياخبل قم افصخها لايضحكون العالم عليك)

طبعا جوازي معي ومحفضتي وحوستي .. عقبها جلست بغرفتي يومين ماطلعت ناشر الجواز بالبلكونه .. خفت يدرون السفاره ويسفروني بوووز على الإماره... اقصد على الرياض....((((((((((((:


==================================
=====================
==========

[فيافي]

مرحبا للجميع
يعني لا زم نكتب فضايحنا هنا!!!!!!
بس ياللا ما عليه (فشلة تفوت ولا حد يموت)....
وإليكم ما حصل معي

كنا يومها قاعدين بالحوش وطفرانين وقاموا اخواني الصغار
يحاولون يقنعون أبوي يودينا السوق ونحوط بالعين دار الزين
طبعاً بعدتحريض مسبق مني...المهم وافق الوالد ومن لقفتي رحت أركض أول وحدة عشان ألبس ...ولبست ورحنا..ونحن بالسوق دخلنا محل الأحذية(شومارت) نشتري نعالات (وكان عمري وقتها 13 سنة) ولمأكن أيامها أرتدي(العباة)وقاعدة أشوف هالنعالات وأدور ولاحظت
أن كل الناس يطالعوني ..معقول...(لهذي الدرجة أن حلوة كخخخخخخ)
وقفت قدام المرآية الكبيرة اللي بالمحل أشوف طلتي البهية..
وانصدمت
_

_

_

-

_


-

-

-لابسة التنورة بالمقلووووووووووووووووب
والله فشيلة....ركضت للسيارة وقعدت وما رضيت أنزل منها
وهم (أهلي ) يضحكون علي..
ملقوفـــــــة

وتحياتي لكم
فيافي

[أطياف الأمل]

بقول لكم بعض المواقف التي حصلت لي:
أولهم الله يطول عمركم:
ذاك اليوم _والله فشيله بس معليه_كنت مع أهلي وصديقتي وأهلها في مجمع الواحه حطنا حطنا لين ما جا وقت العشا وليته ما جا المهم طلبوا الأهل من بسمه وأنا وصديقتي أكلنا من- ماكدونالدز-
المهم أنا و صديقتي وأختي وصديقتها(ترا صديقاتنا خوات)
قاعدين على طاوله بروحنا والطاوله الوحده فيها 4كراسي لازقين فيها وكل كرسيين بينهم حديده أنا من لقافتي قلت بقعد داخل وصديقة أختي جنبي المهم كلنا وتطنزنا وضحكنا المهم جا وقت الروحه 000000000
آآآآآآآآآآآآآآآآآآآآآآآآآه
المهم 00قامت الآنسه دلوعه من مكانها والا أشوف شي يشدني ومايخليني اقوم والا تدرون وش هو؟؟؟
عباتي تعلقت في حديده في الكرسي واشدها وأحاول أطلعها يا خي ما راضيه تطلع كانت صديقة أختي جنبي وتمسكت فيها عشان تساعدني إلا طحنا ثنتينا وياااااااااااااااااا فشيلتنا قاموا الناس كلهم يطالعون فينا بس إحنا خذنا الموضوع بروح رياضيه وقمنا نضحك نضحك ضحك الى ما طلعنا من الواحه والى اليوم نتذكر هذي الحادثه00
على فكره عباتي (انشقت) من تحت ويييييييييييييييييياي على الفشيله000
مو صح موقف محرج؟؟؟
وللمواقف بقيه00000

[حمد]

مره في احد الجامعات دق الجوال داخل المحاضره فقالت المحاضره
اللي معاها جوال تغلقه ويدق ويدق ويدق فصرخت المحاضره اللــي
معاها جوال تغلقه ، فضجت القاعه بالضحك ****** انهاجوالها
__________________________________________________
في اليمن من المتعارف عليه ان يعطي كل واحد من الحضور العريس
ظرفأ من النقود ، فأعطى احدهم ظرفه للعريس وفي نهايه الحفــل
أرجعه العريس الى صاحبه فلما تسائل عن ذلك اكتشف انه اعطــاه
رســــــــــــــــــــاله غراميه لخطيبته0000000

[حمد]

ترا المواقف اللي تو من مجله مساء ماعدا الموقف الاول
**************************************************
شكرا وشاركونا تكفووووون

[فيافي]

مرحبا الردود ثمانية وأنا أرى ستة فقط
حد يشوفلنا حل يا جماعة الخير في بطء الخيمة

تحياتي
فيافي