يعني يا أخ يحي عياش الله يسامحك هي حماس كان لازم تعمل عرض عسكري وتعصبن شارون عشان يقصف المتجمهرين . وفي هذا السياق بدي أحكيلك قصة شعبية عن أسد وخاروف بشربوا من نفس الجدول , الأسد بشرب من راس النبع والخاروف بشرب من الجدول . وفي يوم الأسد بدو يتمحرش بالخاروف فقال له انت بتعكر المية علي , الخاروف إندهش وقال للأسد كيف بعكر المي وانا بشرب من الجدول وأنت بتشرب من راس النبع , قام غضب الأسد وقال للخاروف بترد علي يا واطي وراح ضاربه .
لهون نهاية القصة ولكن عند خالتي أم حسين في تكملة وتقول أنه ثاني يوم بيجي الأسد وبتمحرش كمان مرة بالخاروف وبنفس السبب بس الخاروف المرة بعمل رجل وبرد عليه ويقول له إسمع يا سوسو إنت بدك إجنني حل عني . الأسد مندهش بتطلع حواليه وبتسائل هذا مع مين بحكي ويهجم على الخاروف ويضربه ضرب ثلثينه موت .
وثالث يوم بتتكرر نفس القصة بس الخاروف لا ينتظر ويهجم على الأسد وبنطحه بقرونه اللي شحذهم قبلها بيوم وبلعلن سلسفيل اهله للأسد .
وهان نهاية قصة خالتي أم حسين .
أنتم أدعو معي الله على الخونة وستكون الأمة بألف خير .
|