طالب ترك ورقة الامتحان خالية ونجح.. !!!!

[الدلـnanaــوعة]

أنا طالبة وهذه الحادثة حصلت بداية السنة والمعلمة إللي حتكلم عنها أول مرة تدرسني ولسه مادخلت عندنا قبل الحادثة ولا مرة,,
المهم,,كانت هذي المعلمة ماشية في السيب ولابسة جزمة الله يعزكم بكعب أصباع وطويل تلاقيها ورثته عن جدتها,, وماشيا بين البنات تترنح يعني شوفوني ايش لابسة و يا ليت على عدالة لبس,,
وشكلها أول مرة تلبس هذا الكعب وهي في وضعها ده جات شلة من فصلنا من وراها كانوا ناويين يعنقلوها بس القدر سبقهم ودعست على التنورة حقتها و ما نشوف إلا الأستاذة متمددة على الأرض , والبنات مليانين وعلى كثرتهم وكل وحده فاتحة فمها أعلى مايمكن,, قامت الشلة عملت تغير طارئ وراحوا عند الأستاذة ليزيدوا احراجها وعاملين انه نواياهم طيبة يبغوا يرفعوها,, راحت وحدة منهم تسحب يداتها و تقلها : سلامات يا أبلة الحمد لله ما صار فيك شئ ,,وقالت بطريقة تبين مصداقية خوفها : عليك ولا على عدوينك,, قامت الأبلة عاد من فوق النظارات تطللها,, راحت البنت قالت: ااا,, اقصد على عدوينك إن شاء الله,, ومن داك اليوم واحنا نسميها (......الطيحة),,وعاد كمان جاية اليوم اللي بعد لها فم تتكلم(مين اللي طيحتني, أنا حسيت في أحد مسكني),,وصار إحنا الفصل الوحيد إللي تعاملنا بلطف لمدة أسبوع لأنها كانت منحرجة,, وبعد كدة حملت حقد تام على فصلنا,,


وفي نفس المدرسة بس مو مع دفعتنا كانت في معلمة وهي للحين في بس هي وايد قصيرة أستحي إني أوقف جنبها البنات كانوا دائما يفجعوها في الممرات.. في الحمام..في المكتب..في كل مكان يخطر على بالك,, وهم أصلا مسمينها (أرنوب),,هذي المرة جولها تحت المكتب بوجود الأساتذة الأخريات,, لم جات تبغى تجلس تسجل أسمائهم في دفتر تعهد لأنه دولة البنات هاربيين من حصتها المهم هي جات تجلس إلا البنات دول طالعيلها من تحت الطاولة يغنولها(أرنوبي.. أرنوبي.. لابس بدلة صوفي...الخ),,