هذه مجاراه قديمه وظريفه لقصيدة خالد الفيصل حصلت
بين الامير الشاعر سعود بن محمد(شاعر الجيلين) شفاه الله وعافاه اللهم امين والاديب عبدالله الحقيل والامير تركي بن سعود
قصيدة خالد الفيصل:
ماهقيت ان البراقـع يفتنني.&.لين شفت ظبا النفود مبرقعاتي
الله أكبر يا عيون ناظرتني .&.فاتنات ناعسات ساحراتي
في هواهن يا سعد كيف طرحني.&.راح عمري في مودتهن فواتـي
كان مما صابني ما عالجني.&.الوكـــاد أني خطير بالمماتي
يا سعد خبّر ظريف الطول عني.&.كان وده لي بعمر في الحياتي
من نظرني بس اهوجس به واوني.&.ما تركني هاجسي لو في صلاتي
رد الحقيل :
ماهقيت ان البراقـع يروعنـي.&.الين شفت سنون غزوا طالعاتي
لابس البرقع خياله تقل جنـي.&.البراقع مـا تناسـب للبناتـي
شفتهن مبرقعـات ورد عنـي.&.صار عندي عقدةٍ طيلة حياتـي
خلهـن بشعابهـن يدوجـنـي.&.لايدوجن بالثميري والصفاتـي
لي سنين بالدروب يعارضنـي.&.من لواهيب السموم محشياتـي
ناسبن خالـد وأنـا ماناسبنـي.&.ماذكر حور الجنان مبرقعاتـي
لابس الشيله هو اللي ممتحني.&.هو سبب قل السعادة في حياتي
شيلةٍ تبدي عـذاب يضحكنـي.&.يلهن الي في طريقة للصلاتـي
والعيون عيون خشف يذبحنـي.&.وافيات الرمش حورٍ ساحراتي
كل ما اقبلت انتبه ما صد عنيي.&.ستمع لي والعيون مسلهماتـي
لو إن اللي برقعن يكشفني.&.كان قلت ليتهن مغطياتـي
الثميري والصفات=اسواق قديمه بالرياض
رد سعود بن محمد :
ياهبيل القلب وش حدك تغني.&.لاتعترض للخشوم النايفاتـي
لابس البرقع هو الي فتنـي.&.له جميع العذارا خادماتـي
العيون اللي ورى البرقع رمني.&.بالسهوم الصارمات المهلكاتي
يقصر الهرج عنهن والتمنـي.&.كنهن فوق النجوم معلقاتـي
الرخم والبوم ماقد برقعنـي.&.والحرار الغاليات مبرقعاتـي
المها وسط المهامل يرتعنـي.&.والبقر بين الثميري والصفاتي
بعدو لباست الطرحات عنـي.&.كنهن عقب الرجيم مسللاتـي
ثم خربها ابنه تركي قائلا ههههه:
يابنات الجيل فز(ن) للمغني.&.وانطحني يابنات مفرعاتـي
ودك ان الي حكا في زينهني.&.ماتعرض للي ههن لابساتي
الوكاد انك اليا من شفتهنـي.&.ماتعرف الزين كود مفرعاتي
وسلامتكم
ملاحظه الشعراء لايقصدون الا المداعبه فقط(عشان مايجي واحد طاير وماخذ الموضوع جد
)