{ قصـــايد أعجبتني }

[الحنين]

..الطيف..

تجيني طيف يا عمري على جنحان شوقي لك
أخاف ارمش من عيوني وابعثر جية وصالك

حبيبي لا تجيني قول وين انت وانا اجي لك
ابيك تقول وين انت وعلى عيوني انا اسعى لك

وربي فوق روس الشوك لخلي القلب يمشي لك
واخلي ظلالي يسبقني قبل يحضني منزالك

ثواني بس ... ابتهندم .. من عيونك وابهدي لك
في عينك ضحكة حتى .. تكحل عين عذالك

يقولوا الناس بغيابي تشب القلب ويضوي لك
حنيني ومن وهج شوقه يميل القلب لا مالك

قضى دمعي من عيوني .. ابي من عينك ابكي لك
ابنثر من ورا عيوني دموع عيون ترحالك

تعبت اهرب من الاشياء البسيطة من تفاصيلك
تعبت اسأل زوايا البيت عن اول واخر احوالك

وحتى الشوق من صبح الدرايش قام يهدي لك
عصافير الربا ترفرف على بيبان مدخالك

هنا ترمي صباح الخير .. قبل لا تروح وادعي لك
وهنا تضوي مساء الخير في عيني من هذالك

أنا من الليل يقطفني شعوري لك واغني لك
انا من الصبح يليلني الحزن واللون موالك

حرام الليل ماهو ليل اذا ما كنت في ليلك
وحرام الصبح ماهو صبح اذا ما كنت في ظلالك

تروح وقلت احط روحي على كفي وانادي لك
نزعت العمر من شفت الغلا بالروح نادى لك

بربك قول وش سوا الفراق بوجه منديلك
تسيل الوان طيفي فيه الى من البكا سالك

حبيبي لا يبكيك الفراق ولا يهد حيلك
اخاف الدمع من عينك يجفف صورتي فبالك

تعال احتاج اسولف لك عن الايام واشكي لك
وافض غيم الحزن وانثر حنين الشوق بقبالك

تعال وحط في قلبي هموم الفرقى واشيلك
لان القلب ماهو قلب اذا في نبضه ما شالك

وقف دمعي من عيوني ابي من عينك ابكي لك
اخاف ابكي من عيوني وابعثر جية وصالك

للشاعر ..سالم سيّار