أولا أنا بقالي يومين وأنا مش عارف أخش على الخيمه ولا أشوف تطورات الموضوع ده
ولما دخلت من شويه وشفت الناس عماله تكتب وتقول كنت حمسك البتاع الكمبيوتر ده وأرميه من الشباك
لكن خفت يوقع على دماغ أم زكي الوليه دي ديما قاعده تحت شباك بتنا وقدامها شوية فجل ولا عمري شفت حد بيشتري منها أو أي حاجه فقلت حرام
المهم بما إني دخلت فأنا حابب أبتدي وأقول للأخت الكريمه بيلسان بعد كلامها الجميل والسكر عن شخصي اللطيف
إقتباس:
زيطه وزنبليطه
والنبي دنته كده
ايه الفكر الحلو ده...
عجبني ردك وترشيحك...وانا معك...
ربنا ما يحرمنيش منك
|
زمبليطه بالميم مش بالنون وثانيا متشكرين قوي وربنا يخليكي وده من أصلك الطيب وعشان تعرفي إن مصر مش كلها زي الشيخ بتاع فتوى الرضاعه الغريبه دي لأني خدت على خاطري منك لما قلتي مصر مصدر المصايب
لكن أنا سامحت خلاص وأنا عارف إن إنتي مش قصدك
أنا بس حبيت من ردي ده أسأل سؤال صغنن أد كده
هو طالما فيه ضوابط وشروط موجده أصلا لعمليه تعيين المشرفين والمشرف العام وأن الأمر ليس إعتباطيا أو بناء على مجاملات أو حسب عدد المشاركات أو عدد المواضيع أو أو أو ؟؟ ممك إحنا كأعضاء نعرف فين الكلام ده أو بمعنى إيه هيه الشروط دي ؟؟؟ وفترت التعيين دي أد إيه ؟؟؟
لأن الأخ يتيم بيقول الفتره مستمره بعدين قال خلينا نديله ست شهور كمان بعدين قال طب منخليها لنهاية السنه وبعدين نبقى نعمل حاجه جديده ؟؟؟
فهو التسائل يا اخوانا عشان لو فعلا فيه حاجه زي كده وشروط وضوابط زي كده فعلا يبقى مطالبتنا لتغيير الإشراف بلا معنى
والحاجه التانيه هي فين ؟؟؟ والكلام ده مش معلن على الملأ ليه ؟؟؟؟؟؟
بس وشكرا